「大叔」黃德斌任流感針代言人

黃德斌近日擔任流感針代言人，更以《大叔的愛》造型拍廣告。德斌58歲仍保持一副好body，原來他亦曾患流感︰「以前發高燒睇完醫生食咗藥，都要瞓幾日幾夜，完全無胃口，病到起唔到身，我當時以為係傷風感冒，聽完專業人士講解，先知原來係流感；好彩最終無事，如果唔係出現併發症就大鑊。」

除了呼籲市民接種流感針外，德斌亦強調要勤洗手、戴口罩、提高自身免疫力︰「平時一有空閒就會跑步同踩單車，大概45分鐘至一小時為佳，太長時間容易過勞。」近年德斌已轉為茹素，少吃容易引致三高的食物，他亦提醒大家天氣轉涼，要多穿衣服保暖，保護自己免受流感感染。