【聲明】港生活網站並無進行電話推廣活動

新都城中心辦「體育學院」 專業教練指導體驗設備

發佈時間: 2021/10/11

港隊健兒喺今屆奧運會同全運會獲得佳績,令好多香港人留下深刻印象。黛安收到風,香港體育學院同恒基地產旗下嘅MCP新都城中心合作,即日起至月底,喺新都城中心2期同3期舉辦「體通體透體育學院」主題活動,除咗展示運動員嘅精采時刻同裝備,大家更可免費體驗單車、賽艇、滑浪風帆同劍擊運動嘅設備㖭!

公關姊妹話,體驗區部分設備係由香港體育學院直接移師到商場,仲有專業教練指導大家如何體驗賽艇同滑浪風帆,完成指定任務,更可贏取體院送出嘅限量精美禮品。而H‧COINS會員更可報名參加本月16日、23日同31日嘅運動員分享會,聽下各位運動員嘅勵志故事。

撰文: 黛安 消息特靈八卦公關
欄名: 八卦名利場