41歲生日前夕遇「獅子山」 熊黛林食公仔麵慶生

昨日是熊黛林（Lynn）41歲生日，日前公司一班同事為她預祝生日，特別訂製Lynn小時候最愛吃的菠蘿油造型蛋糕，Lynn看到後喜極而泣︰「菠蘿油係我最鍾意食嘅港式麵包，但因為牛油係我死穴，一食就肥，所以戒咗好耐，今年（大家）訂呢個蛋糕畀我，真係好有心、好感動。」

今年生日前夕遇上八號風球「獅子山」，原定的家庭聚會順延至昨晚牛一正日，而正日本來計劃的大閘蟹餐則要取消。計劃被打亂，Lynn心情卻未受影響，她解釋︰「因為我哋係一個大家庭，過時過節同生日都會出嚟慶祝，不過八號風球一直都無減弱，所以唔可以出去，只能夠喺屋企食公仔麵。其實只要一家人齊齊整整，開心就足夠。」自從結婚並誕下孖女後，甚有傳統觀念的Lynn每逢節日必定要一家齊齊整整慶祝，她亦希望疫情盡快過去，可以與老公出外旅行。