顏國樑被誤會與無綫完約即鬆人 心有不忿瀟灑離巢：此地不留人

68歲的顏國樑在2008年離開無綫後，一直專心教太極，並移居內地生活，享受人生。最近他接受好友鄧英敏YouTube節目《老友鬼鬼》訪問，大談當年離巢的原因時，仍感到不開心。

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

{{hket:inline-image name="12.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

事緣他拍攝《烈火雄心3》時，已開始練太極，恰巧他當時要報讀由康文署和國術總會舉辦的裁判班，一共10堂，每星期上一堂，每堂數小時，於是他向監製助理「度期」上堂。事隔個幾月，他收到一位監製的電話，頓時令他「𢱑爆頭」，「佢話『出面話你合約一滿，你就即刻走。』我仲有兩個幾月就約滿，我都冇講過（走），我只係度期咋嘛，點解會咁樣㗎；個監製仲話『好多人都係咁傳，所以阿姐叫我問你。』」

無綫經典劇《季節》破3大紀錄 顏國樑爆六叔先後兩次請食飯【下一頁】

之後他再收到一個令他無名火起的電話，續說：「藝員調配組嘅同事打畀我，呢吓我就起火喇，我真係唔開心，佢話『顏國樑，你仲有啲嘢未拍完，好嚟好去，唔好合約完就走咗去。』呢件事令到我好唔舒服同埋心灰意冷，我覺得如果我要撈，我就去敲門啦！有啲人咁憎人富貴厭人貧，我又冇得罪你，我返工除咗攞條佛珠出嚟唸吓經，基本上都唔講嘢，點解會咁呢？啲人咁得意嘅。既然此地不留人，亦有留人處，咁就算數啦，我就喺出面試吓咩環境啦！」到了約滿之日，顏國樑交還證件及電腦卡、拿了薪金後便離開。

顏國樑68歲Keep住招牌鬍鬚 為長糧當差因潘志文一句話放棄【下一頁】

{{hket:inline-image name="20.JPG"}}{{/hket:inline-image}}

沒有合約的束縛，連呼吸一口空氣也是格外清新的，但隔天顏國樑又再收到無綫的電話，指有角色適合他，不過他覺得無癮而拒絕對方，「雖然唔知道邊個插你，害你，但你實會同嗰個人見面打招呼，但你又唔知係佢喎，然後佢嘻嘻嘻咁偷笑，咁我覺得冇意思啦，你出糧畀我咩。』」他坦言對無綫很心淡。

回想以前拍劇的趣事，顏國樑笑指拍攝《公私三文治》時，他與關禮傑、吳鎮宇和周國麟是邊拍邊飲啤酒，「原來周國麟係酒筲箕，第一杯飲到尾，連酒量好嘅傑仔（關禮傑）都wing wing哋，佢仲好似啱啱飲第一杯咁，所以佢做生意係絕對成功。我拍《瘋狂83》，楚原導演嗰套電影，我由第一日開工，飲酒飲到拍晒成套電影。我同馮淬帆拍，我哋係鬥快買啤酒，不過我做《EYT》就唔飲。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

同場加映：筋骨痛症︳縮膊玩手機懶做運動恐致周身痛 上門按摩師警告3大不良習慣致勞損

{{hket:ul-video id="4351"}}{{/hket:ul-video}}