張秀文守Dry3年金牌媒人Bob出手 秘戀筍盤陪入馬場出招護愛苗

現年34歲嘅張秀文（Sammi）係2010年港姐亞軍，擁有34D驕人身材嘅佢一啲都唔吝嗇，不時大騷「本錢」，獲封無綫性感女神稱號。條件超班嘅佢偏偏「守Dry」多年，全因女神「講心唔講金」，一直寧缺勿濫。曾經同前經理人仇耀斌相戀7年，可惜2017年分手收場。其實佢去年已經靜靜雞「脫單」，暗交城中筍盤金融才俊王大權（Billy）。

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

秀文同圈中嘅「金牌媒人」林盛斌（Bob）因合作拍綜藝節目《你估我唔到》而變得熟絡，據知秀文呢段良緣就係由Bob撮合。30多歲嘅Billy係「皮草太子爺」王大業堂弟，家境富裕，雙親已退休，雖然含住金鎖匙出世，但佢選擇自己打天下。Billy中學就讀聖芳濟書院，並於香港大學修讀經濟金融學士課程，畢業再投身銀行業做banker，未幾自立門戶，從事金融業，更與江嘉敏男友兼電競公司高層Anthony合作做生意，撈埋IT界。投資、做生意有道，有指Billy年賺過千萬。

{{hket:inline-image name="08dfb368-9031-4723-a2d7-c8e8eb48bbe5.JPG"}}{{/hket:inline-image}}

秀文為保愛苗拒絕公開戀情，喺社交平台從來都唔post合照，近年尊重男友更改變形象，大大減低性感程度。秀文非常低調，圈中幾乎無人知佢拍拖，加上疫情關係，佢同Billy拍拖主要節目都係留家煲劇。去年9月同今年7月，秀文都低調陪男友應酬，二人同模特兒兼DJ樂宜及其富二代男友黃俊輝double dating入馬場，當黃俊輝「拉頭馬」之時，Billy亦刻意冇入鏡影相。

媒人Bob接受《晴報》訪問，「完成任務」嘅佢謹慎回覆：「其實如果太深入嘅問題，不如你搵返Sammi去答你啦，哈哈！我都係咁啱路過，搭吓枱嘅啫，哈哈！」有「金牌媒人」之稱嘅佢，多次幫圈中「有情人」搵到歸宿，早前朱慧敏同心臟科權威陳良貴結婚，都係由佢一手撮合；而玄學家陳定幫同太太亦係由Bob牽線，成功率咁高，全因Bob真係有用心了解男女雙方，「咁每一次我都會了解大家嘅性格同背景，然後係我認識嘅朋友當中，搵一啲比較適合嘅畀對方。當然咁多年嚟，都有啲我介紹咗，但係佢哋認識過後覺得唔啱嘅，又有一啲可能第一次約會，唔合眼緣，冇咗下文，類似嘅例子都試過唔少！」

達到「職人」級數，Bob話自己冇諗過要開婚姻介紹所，「我覺得能夠見到身邊嘅朋友，搵到合適嘅另一半，然後佢哋幸福快樂，拍拖，結婚，生小朋友，一步一步邁向人生新階段，我就會好開心。」

秀文被問到同Billy拍拖一事都有大方承認，但就繼續保護男友，只係話二人相處得好開心。模特兒兼DJ樂宜因為男友嘅關係，一早認識Billy，大讚男方係「筍盤」，去年樂宜喺馬場第一次見秀文，仲好開心話Billy唔使再做佢哋嘅電燈膽。

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}