童你一起長大了丨黃禮文做眼科醫生無悔做小演員 「大頭妹」陳嘉嘉做麥包經理人

由譚玉瑛、黎芷珊和蓋世寶主持的無綫節目《童你一起長大了》昨晚（10日）播出第二集，邀請了當年在《閃電傳真機》裡飾演「麥偵探」的麥長青（麥包）和扮演「四眼鼠」的張沅薇亮相節目，細訴近況和以前拍攝時的趣事。節目還邀請了一班小演員，包括羅洛芹、陳嘉嘉、謝君豪、黃禮文、劉淨然等等，其中現為香港開電視的藝人黃芳雯，亦是童星之一，在1985年至1994年曾參演《430穿梭機》和《閃電傳真機》。

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

{{hket:inline-image name="34.jpg"}}{{/hket:inline-image}}

至於3歲入行的黃禮文，長大後成為了眼科醫生，黃禮文的媽媽說：「我冇希望佢做醫生，所以我覺得唔好夾硬迫小朋友做佢唔鍾意嘅嘢，等佢自由發揮。佢而家做醫生好辛苦，但佢可以接受到，因為係佢自己鍾意。」黃禮文表示如將來有小朋友，都希望子女可以做小演員見識一下。而劉淨然則已結婚9年，當她與羅洛芹和黃禮文敍舊時，黃禮文才驚覺兩人曾經是戀人，但最終因了解而分開，黃禮文扮生氣笑說：「你哋瞞住我，太過分。」他們一致認為鄭伊健是「最大細路主持」，黃禮文指：「佢會買最新嘅遊戲機，然後同我哋玩成一堆。」

《閃電傳真機》30周年重聚 神隱蔡子健現身原來已經轉行【下一頁】

綽號「大頭妹」的小演員陳嘉嘉，現時是麥包的經理人，麥包說：「佢好細心，佢好識照顧人，而且比我更加成熟。大家都知我幾粗魯㗎啦，我成日得罪人，但佢唔會，佢幫我打圓場，佢做得好好。我最安慰就係近年我哋都大個晒，大家同我講『麥包哥哥，你而家唔好擔心，細個你照顧我哋，而家由我哋照顧你』，好窩心。」

童你一起長大了｜張國強神還原《430穿梭機》機長 《閃電傳真機》玉女張沅薇話當年【下一頁】

{{hket:inline-image name="13.JPG"}}{{/hket:inline-image}}

至於已是兩子之母的張沅薇，她在節目中透露大仔已經21歲，細仔14歲，自己現時在一間牆紙公司任職售貨員。提到張沅薇、黎芷珊、朱茵和姚安娜曾擔任麥偵探不同時期的秘書，麥包笑說：「第一代芷珊係靚嘅，朱茵就精靈嘅，不過芷珊係鍾意扮靚，管家婆類型；張沅薇就純粹靚，不過冇腦！」麥包還指當年跟黎芷珊拍到嗌交，他說：「好記得有一次芷珊企喺度，我坐喺度，大家拗緊個劇本，佢問我係咪我唔照你意思做，你就唔拍，我就話係。」黎芷珊笑指最後因為趕收工而只好屈服，並踢爆說：「佢好鍾意改劇本，仲改埋你嗰個要跟埋佢！但佢改咗真係好啲嘅。」

童你一起長大了│《黑白殭屍》龍炳基居美做廚師 難忘星爺一撞撮合他與太太姻緣【下一頁】

談到朱茵樣子甜美，麥包卻說：「係咩？唔好意思呀，阿茵，我唔會用『靚』形容，我只會用活潑開朗精靈聰明形容。你同朱茵拍嘢呢，佢轉數好快，度嘢好快，亦都畀到嘢出嚟。」雖然朱茵未有現身錄影廠，但她有拍片大讚麥包：「我唔開心，佢會問我點解唔開心，『唔好咁啦，請你食嘢，唔好自己一個啦』，所以覺得佢好親切，我覺得麥包係我最friend嘅一個主持。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}