ViuTV綜藝節目《膠戰S2》前晚播出第一集，呂爵安（Edan）等六位《膠戰》成員原班人馬演出，加上MIRROR成員江𤒹生（AK）及邱傲然（Tiger）、ERROR成員郭嘉駿（193）及梁業（肥仔）助陣放笑彈。Edan在首集已經露兩點兼狂奔，前晚他在IG直播自爆差點為節目犧牲︰「我跑完坐低係想暈想嘔，24歲仔未試過！」嚇壞一眾爵屎（Edan粉絲）。
「6膠」成員Edan、岑珈其、魏浚笙（Jeffrey）、劉沛蘅（Hillary）、黃正宜（阿正）和徐浩昌（肥腸）再次聚首，節目預算亦比第一輯提升，眾人獲安排在銅鑼灣一個商場拍攝。6膠在遊戲中化身怪盜，嘉賓AK、Tiger、193及肥仔變身保安員，兩組進行大對決。第二個遊戲中，兩隊各派兩位隊員乘坐來往二樓至九樓的子彈升降機，乘搭升降機期間，隊友在不同樓層做動作，讓隊友猜謎題。
犧牲色相變身「洗衣機」
為了讓隊友猜中答案，Edan不惜在鏡頭前衝動剝衫扮「洗衣機」，大騷結實胸肌及二頭肌；他更叫隊友阿正試摸其胸肌，但平日花癡上身的阿正竟然一口拒絕，她又說︰「我唔想被人cap圖。」不過阿正相當識做，搶走工作人員的手提攝錄機，更近距離狂影Edan的上身，大派爵屎福利。至於岑珈其、Jeffrey及AK等，則要跑過超長石春路答問題，AK連續多次跑石春路，無奈露出痛苦表情，被取笑「痛不欲生江生」。及後，眾人在商場內狂奔完成任務，遊戲緊張過癮，Edan為逃避四位保安員追捕更跑到癲，表現投入。不少網民讚追逐環節有韓國真人騷《Running Man》的味道，整集笑位多多亦保持水準。
安撫爵屎強調已做體檢
《膠戰S2》首集播出前，Edan特地在IG開直播披露在大商場取景的感受，更自爆跑到暈︰「因為太耐無做運動，跑到就死咁，跑完坐低係想暈想嘔、標晒冷汗，feel到自己好唔妥，24歲仔未試過，好驚，係成身濕晒！」Edan強調事後已做身體檢查，表示身體無問題，叫爵屎大可放心。
不過，Edan自爆已非第一次「出事」，早前他為劇集《i.Swim》開工時亦見暈，「事發當日係第一次練水，有導演、監製、港隊游泳教練同其他演員在場，未熱身就游咗個25米蛙式。」他游完感到雙腳繃緊，已心知不妙︰「跟住成班人熱身時，我開始暈暈哋，但無理由熱身已經同人講頂唔順，好樣衰，點知做做下真係暈，眼前畫面變咗黑色一點點花，好彩有人扶住，嗰下我想搵窿捐，佢哋扶我入冷氣房休息。」
撰文︰Steven
美術︰梁政敏