【聲明】港生活網站並無進行電話推廣活動

自爆入行辛酸史 馬德鐘開工2日無故被易角

發佈時間: 2021/10/12

貴為視帝、視后的馬德鐘及唐詩詠,昨日宣傳劇集《我家無難事》時,大談初入行時的辛酸經歷,馬德鐘本來接拍電影,戲份甚重,但開工兩日便「被消失」;詩詠則被嫌棄太瘦兼不夠高。他們鼓勵有志在演藝行業發展的人,不要放棄夢想。

唐詩詠昨日出席宣傳活動時,表示早前在大學出席講座,跟學生分享演戲經驗,「有個女仔話好鍾意做戲,但試鏡好多次都失敗,問我點行落去,我話就算點都要堅持。」詩詠自爆試過被拒絕:「有啲話我太瘦,又唔夠高,做唔到主角,challenge我好多嘢,不過最重要係我真係好鍾意演戲,無論人哋點講,我都咬實牙關、喊住行落去,我性格任性,就算唔得都要得。」

至於馬德鐘亦有相似經歷,他回想當年初入行時接拍一部鬼片,戲份更等同男主角,但開工兩日後突然被易角,「我無問點解(易角),取代我嘅男演員都好堅。其實咩都會發生,做呢行就係要堅持,唔好放棄。當時唔開心一定有,因為差唔多就做男主角喎,不過希望勉勵大家,被人拒絕唔緊要,一次成功就得啦!」

簡淑兒指麥大力操肌等機會

同場的簡淑兒透露男友麥大力即將拍劇,所以現時每日努力讀稿,但因男友的中文不太靈光,簡淑兒便充當繙譯,「男朋友讀每個字都靠拼音,但唔太明白意思,所以我主動同佢對劇本,好彩佢好肯學,都好聰明。」她又取笑男友講中文似講粗口。提到麥大力在社交網大曬操肌成果,簡淑兒笑說:「因為男友鍾意王敏德,想好似佢咁拍動作戲,所以操肌等機會。」

採訪:Pauline

美術:梁政敏

自爆入行辛酸史 馬德鐘開工2日無故被易角

簡淑兒取笑男友麥大力講中文似爆粗。

自爆入行辛酸史 馬德鐘開工2日無故被易角

麥大力操肌成功。(IG圖片)