羅子溢「開夜車」練醫學名詞讀音

無綫台慶劇《星空下的仁醫》將於下周一首播，一眾扮演醫生的演員，為求演出更有真實感，花了不少功夫，例如飾演專科醫生的羅子溢（前名羅仲謙），即使收工仍自動自覺「開夜車」，練習醫學專有名詞發音，「我咁啱有個朋友做醫生，我叫佢幫手聽下我啲讀音正唔正確，順便了解（做手術）程序。咁樣第二日再經過監製安排嘅醫生指導，我就可以快啲投入拍攝進度。」

已是第三次飾演醫生的子溢，笑言雖然有個「底」，但由於今次扮演兒科醫生，所以有新挑戰，「開拍前我哋開好多次會，同埋上堂『增值』，就算開拍咗，為咗逼真同埋做得更加好，我哋每日開工，可能頭三至四個鐘都係練習。」