【聲明】港生活網站並無進行電話推廣活動

穿巨型紗網裙拍MV 鄭欣宜親身體會「最難行的路」

發佈時間: 2021/10/12

鄭欣宜日前推出今年第四首派台歌《最難行的路》,昨日正式發布MV,MV中見欣宜穿上一條巨型藍色紗網裙,期間導演要求欣宜試走兩步,但她最終失敗,完全體驗何謂「最難行的路」。不過她說︰「我唔覺得自己條路特別難行,反而好相信每一個階段、每一段路都有佢嘅原因,先帶我嚟到今日。」

除了造型有驚喜,欣宜又透露當初收到黃偉文(Wyman)親筆寫的歌詞手稿時,十分感動,「Wyman喺社交網分享佢幫其他歌手寫嘅歌詞,因為當時電腦未普及,每一份歌詞都係人手寫,當時我同佢講『我又要』…今次收到呢份詞,我一擘大眼、一打開個電話,見到係手寫稿,我真係好感動。」

穿巨型紗網裙拍MV 鄭欣宜親身體會「最難行的路」

欣宜的巨型藍色紗網裙要五個工作人員合力搬起。