【聲明】港生活網站並無進行電話推廣活動

學生時代頑皮事 陳家樂︰偷聖誕樹裝飾被記缺點

發佈時間: 2021/10/12

莘莘學子開學不久,在疫情下回到校園,與同學們相處、面對面聽老師上課,都是難得的事。一眾離開校園已久的藝人,分享他們學生時代的點滴也特別興奮,尤其是外表斯文的陳家樂,竟曾試過在學校三樓跳落二樓,雖然最後能瞞天過海,但最後卻因偷聖誕樹裝飾而被記缺點。

陳家樂形象健康,看似是品學兼優的學生,但他笑稱求學時曳事做盡,他憶述︰「我中學嗰時係運動愛好者,最鍾意跑跑跳跳,有日有個同學話由學校三樓跳落二樓平台,直頭係挑戰體能極限…有同學一支箭跳咗落去,我諗咗好耐,最後都跳咗。其他同學跳完無事,反而我就拗柴。好彩嗰次無人發現,其實真係好危險,大家千祈唔好學。」

家樂續說︰「有次臨近聖誕,同幾個女同學行過一棵聖誕樹,有人慫恿我拎走樹上面嘅掛飾,我二話不說就拎落嚟。原本以為無人知,點知第二日早會,主任喺廣播公開有人偷聖誕樹吊飾,仲開名係我,結果換嚟一個缺點。」

何依婷︰老師激發努力讀書

選美出身的何依婷,原來也曾是一名曳學生,她回想中一至中三讀書成績差,每日只顧打機,但因為老師一句說話,她開始努力讀書︰「有年家長日,老師同爸爸講『以佢嘅成績應該讀唔到佢想揀嘅科。』就係呢句說話令到我突然間發憤,『我就讀畀你睇!』」

何依婷感激老師的激將法,讓好勝的她每日放學都專心溫習,「結果高中嘅成績升到全級40幾名,已經有好大進步。諗番以前成日掛住打機都覺得好無聊,好彩我嘅努力並無白費,最後都成功升上大學。」

呂慧儀︰怕做壞事被發現

外表斯文的呂慧儀,讀書時期已經是一名乖學生,她笑謂︰「細細個我已經好正直,傻下傻下咁。好多小朋友都試過出貓,但我一次都未試過,我份人好細膽,成日驚做壞事會被老師發現,所以我嘅讀書生涯都係平平穩穩,成績未必係最好,但總算交齊功課。」

呂慧儀稱小時候家教很嚴,媽媽經常教導她要嚴選朋友、用心讀書;而就讀的學校校規也相當嚴謹,所以同學們都很聽話,最曳只是把校裙改短和遲交功課而已。

丁子朗︰「幫」同學做功課

樂於助人是良好品德,但丁子朗中學時卻喜歡「幫」同學做功課,他自知是反面教材,但他解釋︰「我都唔只幫一個同學,反正用電腦做,唔會認到字跡,咁咪幫幫手囉。同學都好識做,每次我幫佢哋做完功課,都會請我食嘢,我咪當呃餐飯,哈哈!」

丁子朗指他曾多次幫同學做功課,從未被發現;他又得戚表示上課時就能做完所有功課,放學便可以去玩。至於有否試過出貓?丁子朗說︰「啲人抄我就差唔多!(你成績應該好好?)正常咁啦。」

採訪︰Pauline

美術︰梁政敏

學生時代頑皮事 陳家樂︰偷聖誕樹裝飾被記缺點

家樂十分好動,經常玩水上活動。(資料圖片)

學生時代頑皮事 陳家樂︰偷聖誕樹裝飾被記缺點

何依婷形容她的中學校風比較純潔。

學生時代頑皮事 陳家樂︰偷聖誕樹裝飾被記缺點

何依婷早前擔任今屆港姐的導師,用心教導師妹。(資料圖片)

學生時代頑皮事 陳家樂︰偷聖誕樹裝飾被記缺點

呂慧儀經常提醒自己行為要檢點。

學生時代頑皮事 陳家樂︰偷聖誕樹裝飾被記缺點

呂慧儀和兒子「蟹籽」的感情要好。(資料圖片)

學生時代頑皮事 陳家樂︰偷聖誕樹裝飾被記缺點

丁子朗讀書時期最愛做功課。

學生時代頑皮事 陳家樂︰偷聖誕樹裝飾被記缺點

余德丞和丁子朗早前拍攝劇集《青春不要臉》,重新穿起校服。(資料圖片)