黃翠如北上尋蕭正楠叉電增肥 陳自瑤留言讚有夫妻相無辜中槍？

蕭正楠早前北上內地工作搵銀，馬不停蹄登台表演，拋低嬌妻黃翠如一個喺香港近兩個月，雙方都飽受相思之苦！日前太太黃翠如終於忍唔住「北上尋夫」，佢喺IG post同老公嘅合體照，留言：「走了一個大圈，找回我的電池。」睇嚟冇咗老公佢個人真係冇晒力量呀！

同場加映： 做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

其實曾有指黃翠如受情緒問題困擾，佢仲喺社交平台潛水一排，再加上老公咁啱唔喺身邊，朋友同一眾粉絲都好擔心；一向對老婆照顧到滿分嘅蕭正楠唯一唔放心嘅就係太太，佢走前喺IG留言叫大家睇實她：「如果有一日你喺街上見到，希望你畀啲食物佢，最好已經煮熟咗，感激感激。」

{{hket:inline-image name="245028057_934116767452321_8946791772767765282_n.jpg"}}{{/hket:inline-image}}

唔少朋友都「響應呼籲」去「餵食」黃翠如！後者有post同唐詩詠及一位好友嘅合照，留言：「這兩個，在需要的日子，把麵包靜靜放在我家門口，跑來我家陪伴着，甚至煮飯給我吃，你們是我的禮物，感謝你們。」

「電池」蕭正楠「接棒」之後亦有post兩公婆合照，見到枱上嘅食物大大份，睇嚟實行叉電兼增肥！蕭正楠留言「好不容易，好不容易，好不容易」，正正係方大同嘅歌曲《好不容易》嘅歌詞，而呢幾句歌詞嘅下一句就係「愛到你」，真係畀佢偷偷哋閃盲！

IG相片中二人表情一致，十分有夫妻相，陳自瑤忍唔住留言：「點解你哋越來越似樣嘅？」估唔到竟然畀網民反問佢同屢傳離婚嘅老公有冇夫妻相：「咁你（陳自瑤）同老公Vincent（王浩信）似唔似樣呢？」陳自瑤冇回應到呢位網民，其實兩公婆都係標準靚仔靚女真係撞樣都唔出奇嘅！

圖片來源：Instagram

同場加映： Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}