鄧英敏初演《歡樂今宵》遇挫折 金融風暴險令身家全清

有「屯門王子」之稱的鄧英敏，1974年加入無綫，1976年已是《歡樂今宵》的台柱之一，他參演過不少劇集，亦擁有豐富主持經驗。在中學時期，鄧英敏接觸校際戲劇比賽，他在陳圖安主持的電台節目《安哥同學會》訪問中表示，「中學生表演話劇，叻得去邊，完全唔專業，喺嗰度種咗粒種籽，讀完中五之後，TVB招募藝員訓練班第三期，我見到第一期、第二期啲前輩演出，即係TVB唔係呃人㗎喎，喺藝員訓練班出嚟之後，係有機會可以喺幕前大展拳腳，啱喇，讀完中學之後，我就諗一諗，屋企最大係我，後面仲有7個兄弟姊妹，我覺得又唔一定要讀書，咁不如試下考訓練班啦！」

同場加映：做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

{{hket:inline-image name="11.JPG"}}{{/hket:inline-image}}

於是踏出第一步，投考無綫第三期藝員訓練班，鄧英敏續說：「當時2800幾人初試，但招收大40個同學，初試、複試，跟住再面試，好彩我過到三關，幾開心呀，每日喺屋企等信，等佢（TVB）通知，我哋以前係part time讀，唔似而家係full time，仲有幾千蚊車馬費，我哋嗰陣要畀學費㗎，所以當係興趣班咁讀。」他笑指當時訓練班同學有周潤發、吳孟達、林嶺東、伍潤泉、盧海鵬、蕭鍵鏗，與他有「發達東泉敏鵬鏗」之稱，被封為「七君子」。

《踩過界II》鄧英敏近10年常演法官入型入格 結婚40年與太太恩愛如昔有秘訣【下一頁】

成為全職藝員後，鄧英敏坦言曾被打擊過，他指當年參演《歡樂今宵》時遇到一點挫折，「因為係live show，現場所有嘢都係take one，我哋嗰陣時會接到現場嘅廣告要賣，個個都會甩碌，你都會有差錯，明明貼咗張嘢喺2號機，提一提自己，呢10秒鐘廣告入面要講啲咩嘢，忽然間導演一聲『（2號機）同我影影觀眾先！』，如果你係新仔，個心驚一驚，本來（背對白）熟到唔熟，跟住點呀？1號機、3號機影緊你㗎喎，一驚嘅時候，呢個廣告就做得唔好，自己就唔開心，之後我同自己講，前面我唔貼嘢，就算有貼，我都要背到滾瓜難熟。」

【牛下女高音】鄧英敏險一鋪清袋靠咩翻身？ 揭EYT金牌司儀到綠葉之路【下一頁】

{{hket:inline-image name="60.jpg"}}{{/hket:inline-image}}

{{hket:inline-image name="61.jpg"}}{{/hket:inline-image}}

{{hket:inline-image name="62.jpg"}}{{/hket:inline-image}}

{{hket:inline-image name="63.jpg"}}{{/hket:inline-image}}

陳圖安提到鄧英敏昔日愛買磚頭投資，高峰期曾買下10層樓，累積了很多財富，但最後要向親友借錢度過難關，他說：「97年之前，好多香港人同我一樣，都會買物業投資，當時啲物業係冇跌過，只係有啲區分，升幅會比較高，所以有多餘錢就會買樓，上一輩啲藝人，例如仙姐（白雪仙）、羅艷卿，甚至乎曹達華唔輸都幾條街，佢哋都係靠投資物業，因為獲利好豐厚，但係一個金融風暴，再加埋自己得7個煲蓋，要冚10個煲，當經濟情況下滑，物業就變咗唔值錢，銀行就會向你收緊。」這件事令他頓悟，凡事投資要有「度」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}