朱慧敏新聞系出身因颱風打退堂鼓 自揭被董建華點名提問口啞啞

8號風球「圓規」由昨日黃昏開始高掛，不少娛樂活動都被迫取消，朱慧敏原本預告跟老師教大家做瑜伽拉筋，不過由於擔心交通問題，最終取消，但朱慧敏為免大家失望，她照樣在家開直播，跟網友一齊聊天分享。朱慧敏提到颱風天，令她想起當年在亞視新聞部做實習記者的日子，亦是因為種種原因，令她放棄做新聞從業員。

同場加映：做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

2004年港姐亞軍｜朱慧敏工作曾歷低潮獲王賢誌相助 讚對方好人：唔會覺得係咩二世祖【下一頁】

{{hket:inline-image name="gee.jpg"}}{{/hket:inline-image}}

朱慧敏畢業於美國華盛頓州西雅圖華盛頓大學，主修政治新聞系，她說：「我好早就有計劃，做十年演藝界工作，之後去從政，我想做議員，希望改變世界。畢業之後我去亞視做實習記者，大約兩個月時間左右，當年亞視新聞部好好，我都好感恩有呢個機會。當時咁啱打風，我舉手話想出去採訪，但原來實習記者保險係唔包，所以太危險就唔畀我出去。」她笑言自己回家看著新聞，見到師姐在橫風橫雨的情況下報道，任風狂吹，任雨淋面，非常狼狽。當時媽媽已經勸朱慧敏不要當記者，否則被吹落海。

朱慧敏稱當年初生之犢不畏虎，甚至想採訪美國攻打阿富汗的新聞，當個戰地記者。在中秋節期間，朱慧敏一心以正面報道維園的花燈，一片歡愉的氣氛，沒想到採訪主任問她有沒有看到市民煲蠟，有沒有人因此報警，「我一心自我陶醉去寫新聞，形容維園花燈好靚呀咁，最終成段新聞冇出到。我好想報道係開心嘅新聞，不過發現原來冇乜開心新聞，所以轉去娛樂圈，希望發放更多正能量同愛。」

新婚一星期│朱慧敏開直播爆奶奶係家務強者 見老公尷尬：「唔講得呀咩？」【下一頁】

朱慧敏提到自己一次採訪的失敗經驗，2003年當時她做實習記者去政府總部訪問高官，剛由美國畢業返港，跟隨了美國新聞界的傳統作專業打扮，跟隨師兄到場見識見識。她表示照常理是由傳訊主任點名提問，但沒想到突然間當時的特首董建華著助理點她提問，「全場人望住我，當時我梗係好開心啦，之不過我跟師兄嚟，完全冇準備，勁想問佢食咗飯未，但好怕被人鬧，最終我答：『你好，暫時我冇嘢問！』，呢個過程有線直播出街，我都因為咁出晒名，間間都問邊個嚟，點會有大好機會問問題都唔識。」她笑言自己回家向媽媽訴苦，連媽媽都指她應該照樣問特首食飯未，令她大感後悔，「其實都應該關心佢，佢管理一個地方，都好辛苦。近排見到新聞知佢做完手術，衷心祝福佢身體健康、早日康復！」

{{hket:inline-image name="CHU1.jpg"}}{{/hket:inline-image}}

{{hket:inline-image name="800_d1756501dbdd65243651a032239d61e0.jpg"}}{{/hket:inline-image}}

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉