汪明荃打風爆買儲糧塞滿買餸車 街市入貨被讚貼地：阿姐最親民

強烈熱帶風暴「圓規」襲港，香港短短時間內再掛8號風球，為免打風期間冇啖好食，唔少市民都做足準備，趁天文台改掛8號烈風或暴風信號前，到街市購買糧食，網上有唔少圖片都見到街市菜檔被清倉。

同場加映： 做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

原來連阿姐汪明荃都有加入「戰團」去街市入貨。阿姐身穿格仔恤衫配牛仔褲、戴上潮帽又挽住小手袋，然後拖着買餸車購買肉類、蔬菜，阿姐喺IG分享佢呢個街市ootd，提醒大家打風要注意安全，「8號風球『圓規』！ 大家小心！我也於今早去街市買餸作準備！」除咗買餸車仔塞滿晒，手上仲拎多一袋蔬菜，睇嚟佢同家英哥都可以食足幾日，打仗都唔怕餓親！

唔少網民都話阿姐好有心，仲非常親民，同基層一樣行街市而唔係行相對整潔嘅超市，仲話好想偶遇「潮爆」便裝嘅阿姐，「阿姐頂帽好正」、「阿姐都去街市」、「估唔到阿姐自己拉買餸車」、「鍾意阿姐夠貼地！買餸帶備戰車（拉車仔）」如果大家認到阿姐，分分鐘仲「墟冚」過花市呀！

圖片來源：Instagram

同場加映： Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}