【聲明】港生活網站並無進行電話推廣活動

Do姐嫌陸永C君醜樣 張敬軒上《男神廚房》要惡補

發佈時間: 2021/10/15

張敬軒(軒仔)與陳家樂昨日到將軍澳電視城出席新節目《男神廚房》拜神儀式,兩位均是廚藝出眾的男神,但軒仔為了「上陣殺敵」,罷免了家中傭人「遮遮」的指導,特別找來西餐廚師惡補廚藝,誓要煮得比陳家樂出色。

鄭裕玲(Do姐)、張敬軒等昨日現身拜神儀式,擔任總評判的Do姐揚言要求食物色香味俱全,即使男神養眼,煮出來的食物不好吃也會扣分。以西餐出戰的軒仔表示︰「食完應該無事,係咪好味就見仁見智,事前都有搵廚師補課。」問他為何不請教家中「遮遮」?軒仔笑謂︰「我任由佢自由發揮,佢雖然廚藝差,但執拾得乾淨企理,佢上完家政堂已經有改善。」

而Do姐被問到可會邀請陸永和C君做嘉賓?她說︰「佢兩個咁肉酸,請佢哋上節目係侮辱其他嘉賓,咁醜樣。(佢哋兩個sell才華?)大把人有才華,軒仔夠有才華啦!」身旁的軒仔哭笑不得︰「原來呢個係三煞位。」

陳家樂最叻煲飯煎蛋

另外,陳家樂謙稱自己煮白飯和煎蛋最拿手,他稱︰「我有30幾年煮飯經驗,煎雞蛋就係細個做幼童軍時訓練出嚟,仲拎過勳章。(緋聞女友連詩雅試過你手勢?)朋友個個都食過,不過呢排自己住就煮少咗。」至於剛為女兒舉行百日宴的湯怡,透露尚差幾磅便回復未懷孕前的磅數,她笑指家樂會「助」她一把︰「佢負責煮,我負責食同評分,佢仲叫我食定止屙丸。」

採訪︰倪小珊

美術︰梁政敏

攝影︰林良明

Do姐嫌陸永C君醜樣 張敬軒上《男神廚房》要惡補

家樂表示會補送禮物給湯怡四個月大的女兒。