《我家無難事》今晚結局 網民戥關禮傑不值

無綫劇集《我家無難事》今晚大結局，關禮傑飾演的郭忠石與郭家上下反面，又疑似交易毒品，正邪身份成謎；不過有網民認為忠石並無「黑化」，只是為報仇做「無間道」。監製王心慰劇透說︰「忠石係好人嚟！今次同關禮傑合作，見佢愈拍愈弗，最後十日佢好多動作場面，情緒變化又大，全部都係好消耗體力嘅場口，但佢應付得好好，我好佩服。」

網民亦讚關禮傑演得出色，為他過往演技被睇低感不值。他笑說︰「最後結局篇嘅拍攝我係最畀心機，因為要好多精神同體力。」他為了應付連場打戲，下了不少功夫︰「每個通告之前，我會早啲起身拉筋；喺返公司期間，我會做開聲訓練，等拍劇時講對白好啲。」