乜乜棠水舖｜歐錦棠重提900日無薪假因由 爆無綫搵藉口拒計騷錢

歐錦棠昨晚（14日）在其網上個人頻道，表示開設養生保健系列，原意以個人經歷帶出護眼之道。但提到2013年他同廖啟智拍攝電影《魔警》一場戲後左眼爆血管，話題就扯到2017年無綫高層樂易玲話他請了900幾日病假，兩件事原來有關連，阿棠傷後被公司叫請無薪假，又遭不合理對待，最終完約後離開無綫。

{{hket:inline-image name="10151010.jpg"}}{{/hket:inline-image}}

{{hket:inline-image name="1024_a94aa29a5e2a9114b228cddfcca5a94c.jpg"}}{{/hket:inline-image}}

同場加映：做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

歐錦棠先講述他的受傷過程，並展示當年左眼爆血管的核突照片，他話：「話說喺2013年拍《魔警》，同已故智叔廖啟智有場對手戲，喺棺材舖發生打鬥，佢用一條粗麻繩勒住我條頸，要『勒瓜』我，我就要不斷掙扎……，嗰度係真正棺材舖，現場有好多木糠同碎屑周圍飛，當晚都覺得有啲木屑入咗眼，當然係好細粒嗰啲，所以有啲唔舒服，以為冇乜事。點知過咗第二日、第三日，左眼開始紅，越來越嚴重就爆血管。」

乜乜棠水舖｜歐錦棠拍電影驚見「人頭」嚇餐飽 台前幕後見證靈異事：畢生難忘【下一頁】

阿棠稱當時並不感痛楚，拿了眼科醫生的藥水就回家，用後眼晴一度有好轉，「殊不知過咗一個禮拜又未退晒，又再爆過，呢次爆就唔同上一次，半隻眼球係鮮紅色。醫生覺得無理由係咁樣，於是繼續畀藥我去滴，但滴咗兩個禮拜都唔得，前後差唔多成個月，醫生再同我仔細檢驗，話應該我眼球裏面有一條好粗嘅血管爆咗。但我冇傷過眼球，點解會裏面會爆血管呢？醫生話佢解釋唔到，咁情況只有一個可能，裏面有一條好粗嘅血管爆咗，不斷喺度流血、充血。」

由於眼紅會影響幕前工作，當年仍是TVB合約藝人的他就跟公司申報，「我亦有醫生紙證明我咁樣，公司就話我咁樣開唔到工，叫我攞無薪假，我於是問要攞幾耐，公司話攞到好為止。其實我真係唔介意，咪唞吓，殊不知好得意，要講少少題外話，攞完無薪假有人叫我返去拍嘢，要我講香港嘅漫畫發展，一講就講咗4集。跟住有一日公司打嚟，問我做咩返工，我鬼知呀，導演叫我講咪講，公司話我眼唔係有事拍唔到嘢咩？咁係因為導演話就到我嘅角度拍，所以隻眼紅咗係睇唔到。公司然後話『咁唔得呀，你唔會有騷錢計』，點解呢？公司就用咗個好唔係理由嘅理由，話我係本台藝員唔可以做嘉賓，所以冇騷錢計……，咁都得，呢啲當然好多後話，同佢點樣拆解，我唔講住，終於最後我都無做，咁樣點同你賣命，以後我就繼續攞假，你想我放假之嘛，於是便連攞900日假，嗰件事就係咁樣嚟，一直就攞落去。」

十萬噸情緣︱歐錦棠憶當年拍劇曾有自殺念頭 「個個以為拍呢套劇一定好歎」【下一頁】

翻查昔日報道內容，樂易玲出席活動時指阿棠自2013年開始，不斷請病假直至完約，「佢請咗900幾日病假，每次都有醫生紙，其實公司一直有安排他拍劇，好似《城寨英雄》、《無雙譜》、《公公出宮》等，但佢都以身體不適為由推咗。有同事問過我，為甚麼佢唔舒服但又拍電影演舞台劇，如果佢唔想拍公司劇都唔勉強佢，拍得唔開心反而會影響部劇。」阿棠亦在網上作反擊：「成千日病假？你係老闆都唔批啦！邊個醫生批你病三年呀？嗰啲叫做冇薪假，我地（哋）叫No pay leave，用新任財爺英文就叫No salary Holiday，搞清楚先啦，膠層！」

（↓點擊放大睇圖片↓）

阿棠這次為舊事作出補充，令外間明白當日發生甚麼一回事，但誰對誰錯就很難判斷。阿棠在片中亦未有再講下去，繼續講他眼睛的故事，稱醫生當時建議用激光修復血管，可是他卻接受不到，維持約4個月時間後，傻人有傻福下出現奇蹟，「我感到好無癮時托一下頭，突然感到好痛，成個人十足觸電彈起……，原來按到眼窩角位一個穴位好痛，唔知係咪自細打功夫打得多，覺得痛係有好處，同腳底按摩一樣，於是試吓得閒按下，一日按兩次左右，奇蹟發生，第四日起身照鏡已經退咗一半（血），唔使一個禮拜就退晒，即係嗰條血管喺裏面修復，我又唔敢講係咪咁啱咁樣，但我係按咗穴位後，對隻眼真係好好。」他推介網民多做眼部運動，十足平日拉筋一樣，加上閒時按穴位，會做到保健效果。

撰文：梁榮達

同場加映：Sick問識答｜子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】