《愛回家》大小姐│林淑敏憶乳癌初期未敢告知父母 「壓力係嚟自我唔知點面對屋企人」

林淑敏在2000年參加香港小姐比賽，在決賽中擠身五強，奪得「網上最奪目小姐」獎項而入行，雖然初期多飾演閒角，她用心飾演每個角色，最後獲得觀眾關注，2017年在《愛·回家之開心速遞》中扮演大小姐「龍力蓮」，更是其事業上一個高峰，其惡女形象，以及與送水輝的愛情線獲觀眾喜愛。她在2010年不幸患上第2期乳癌，幸得到家人和男友（現任老公）的支持，成功戰勝癌魔。

同場加映：炎明熹感激家人沒強加期望添壓力 做歌手學會珍惜機遇先苦後甜

{{hket:ul-video id="4410"}}{{/hket:ul-video}}

愛回家│大小姐嫁游老婚期在即超慘情 龍力士Rebecca成網友箭靶【下一頁】

{{hket:inline-image name="38aaff9d-fe01-4e3a-abd3-5da17422e8ed.jpg"}}{{/hket:inline-image}}

近日林淑敏接受鄭丹瑞網台節目《健康‧旦》訪問，親述抗癌經歷，她坦言：「我覺得每一件事都係恩典，因為好多人有癌症係隱藏咗喺裡面，我好彩喺骨上邊（右邊胸上方），比較容易摸到，當時係我自己發現，否則去到腫瘤好大先知就太遲。」她指自己、朋友，甚至乎家庭醫生都不太認識這個病，當她發現右胸上方「有粒東西凸咗出嚟」，當時醫生還以為是瘡，開消炎藥給她服用，服了8天仍未見好轉，於是決定轉看婦科和乳腺科。

林淑敏續說：「當時照咗乳房超聲波，檢查出嚟嘅形狀唔理想，我嚇咗一跳，個心涼咗一涼，我再做一個夾胸和抽針（抽活化組織）檢查。你問我有冇唔開心？當時我冇唔開心，一步一步行，世界未有崩塌，仲好大希望。」直至抽3針都顯示不是正常，她繼續冷靜聽醫生的講解同指示，離開醫院上車的一刻，她收到PA（助理編導）通知後天要開工拍劇，她回電稱可能拍不到時，情緒才開始崩潰，「我話未必做到，然後就喊咗出嚟！我都未通知爸爸媽媽，就通知咗潘嘉德，因為我第一時間好擔心我嘅工作點算呢？我會唔會死呢？我要做手術，係咪唔可以返工呢？差唔多確定要做手術，我先至攬住我當時男朋友（現任老公）喊住問『點解會係我？』，我老公又好笑，佢就好現實，佢話『你都喊咗兩次，你都問完啦』，好彩我有宗教信仰，一本聖經帶住我行呢條路。」

《愛回家》許家傑有考慮婚事望保持低調 爆大小姐曾想拒領女配角獎？【下一頁】

老公陪伴林淑敏抗病的時刻，患難見真情，林淑敏稱其實當時男友都有喊過，大家都認為日子總要過，「當你有困難嘅時候，唔好太刻意沉喺困難入面，日子都要過。之後要應付嘅嘢係好多，睇醫生，做手術，等報告等等。當出現問題嘅時候，屋企人比你更加悲傷，當時我爸爸媽媽唔喺香港，得我男朋友同我哥哥。直至打化療針打到第3針，我冇辦法先同父母講，兜咗好大個圈，跟住我媽話『如果你患癌症一定要打化療針，你打化療針要食得好啲，唔好聽人講乜都唔食，餓死係你，唔係癌細胞』，反而佢安慰我，係出乎我意料之外，我壓力係嚟自我唔知點面對屋企人，但其實唔係我想像之中咁，點解我要畀壓力自己？真係蠢！」她寄語大家不要因恐懼而令選擇變得狹窄。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

同場加映：Sick問識答｜中醫拆解月經中後期保養身體貼

{{hket:ul-video id="4394"}}{{/hket:ul-video}}

撰文：黃曉妍