童你一起長大了｜魯文傑被譚玉瑛爆遲到又記稿差 難忘被怨阻食飯 麥包代出頭

《童你一起長大了》昨晚（18日）第三集請來魯文傑（Simon）、張潔蓮及黃智賢擔任嘉賓，同主持人譚玉瑛、黎芷珊及蓋世寶一齊話當年。譚玉瑛自爆當年對魯文傑心心眼，因為魯文傑被封為初代「維他奶仔」，當年斯文靚仔的廣告形象，在坊間人氣甚高；又忍不住大讚魯文傑靚仔又有型，可惜合作過後就不滿意，嫌對方遲到又記唔到稿。

{{hket:inline-image name="10182014.jpg"}}{{/hket:inline-image}}

{{hket:inline-image name="10182001.jpg"}}{{/hket:inline-image}}

同場加映：炎明熹感激家人沒強加期望添壓力 做歌手學會珍惜機遇先苦後甜

{{hket:ul-video id="4410"}}{{/hket:ul-video}}

現年49歲魯文傑是1993年加入《閃電傳真機》的主持行列，當中令他又愛又恨的角色，就是飾演怪家庭的「達達」，他說：「最經典角色對我嚟講係『達達』，因為達達喺怪家庭裏面係掃把頭、向上，四方嘅嘴唇，成日做手指指動作，哈哈哈咁笑。點解會係最經典，因為我第一次接觸時候，我好憎恨呢個角色，係極度憎恨、好核突，但最尾嗰日我記得要離開兒童組，好似拍埋最後個集，我係匿埋喊咗出嚟，因為好唔捨得個角色。」

童你一起長大了│梁詠琳視像重聚被讚逆齡生長 移居美國終遇真愛結婚3年做靚太【下一頁】

譚玉瑛自爆當日見到魯文傑的感覺，「我一見Simon就最大感觸，事關開始做《430穿梭機》後，同好多男演員一齊做拍檔，就惟獨是Simon，一話將會有Simon加入，嘩，嗰時佢啱啱拍完『維嘟奶』廣告……，呢個男仔真係有青春又有氣色，又靚，嘩，好型。」黎芷珊在旁忍不住插口，指舊愛鄭伊健很靚仔，問譚玉瑛當年有否感覺；譚玉瑛很平靜答冇，又話每個人感覺不同，反過來寸黎芷珊就有感覺，黃智賢亦補多腳笑當年機會是留給黎芷珊。

魯文傑笑言當年很快被譚玉瑛責罵，譚玉瑛聞言即力數他不是，「遲到啦，又記唔到稿，真係火都嚟！」之後講到在鏡頭後常引張潔蓮笑，魯文傑即推到麥包（麥長青）身上，「嗰時係麥包引我笑先，搞我。（有冇童年陰影？）梗係有啦，有時佢喺劇入面會叫我Richard，但我叫米高喎……，咁我都要應佢，但點解會咁嘅？有一次拍嘢有把遮喺門口，佢裝咗水喺入面，我一下倒過嚟，我濕晒。（係劇情？）係佢加！」

童你一起長大了│譚玉瑛曬合照問大家認唔認得 年近80歲《跳飛機》辛尼哥哥現身【下一頁】

魯文傑事後指麥包私下對他很好，有次竟為他出頭，不要誤會二人有不和，「我同佢冇嘢嘅，麥包對我好好，可能真係當我係細佬，唔好誤會。不過最有印象有一次，某啲工作人員鬧我，話仲未得嘅，唔使食飯啦。我聽完呢句真係想爆喊，麥包真係好好人，我都覺得有啲慚愧，佢就入咗嚟叫我出去，話幫我講（對白），叫佢哋唔好咁話人，我真係有啲感動。」

（↓點擊放大睇圖片↓）

魯文傑現時已離開無綫，主力在舞台劇方面發展，2008年憑《爆谷殺人狂》獲得香港舞台劇獎最佳男配角（喜劇／鬧劇），今個月在香港文化中心劇場演出劇目《全世界靜晒》；而身兼舞台劇演員及導演的他，平日亦擔任戲劇課程導師。至於感情生活，他於2013年同女友梁嘉敏（Pinky）結婚，二人育有一子魯煦耀（Jathan），一家三口很幸福。

撰文：梁榮達

同場加映：新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】