有種好男人│李佳芯開新劇竟然有個17歲仔？ 吳偉豪執二攤頂替黃奕斌演出

李佳芯（Ali）、馬德鐘、陳自瑤、吳偉豪、林正峰等今日（18日）為新劇《有種好男人》試造型，馬德鐘以G4保安員的身分西裝骨骨示人，跟Ali繼《跳躍生命線》後再有感情戲，不過他們大賣關子，稱劇本未完全完成，還未知道到底為何會有個咁大嘅仔。

{{hket:ul-video id="4421"}}{{/hket:ul-video}}

傳新劇孖21歲《聲夢》學員Hugo演母子 李佳芯未驚過︰唔係第一次做阿媽【下一頁】

{{hket:inline-image name="fbd4e54b-04fd-4194-8c37-982f285fc4fa.jpg"}}{{/hket:inline-image}}

一直盛傳《聲夢傳奇》中的黃奕斌（Hugo）將飾演Ali的17歲囝囝，不過Hugo已離港到內地拍劇兼讀書，而到今日最終試造型日，正式宣布由23歲的吳偉豪飾演角色，吳偉豪表示：「收到通知演呢個角色，我都有睇到傳聞嘅報道，監製同我解釋角色上有啲調動，至於點解我就唔清楚，都係做好本份，演好個角色。」問到會否兩母子多多約食飯建立感情？Ali說：「而家啲後生唔會跟阿媽去食飯呀喇！得唔得呀？我係咪已經入晒戲？」

吳偉豪一直在《愛回家之開心速遞》飾演朱凌凌，由於周嘉洛因拍劇要暫別劇組，他的戲份亦因而增多，不過今次吳偉豪開新劇，未知會否又要暫別《愛回家》？他表示：「呢個要睇公司安排，應該就唔使完全暫別，可能係兩邊兼顧住，間唔中返去拍吓《愛回家》咁囉！」

愛回家｜朱凌凌首度開腔親認不雅片主角 被嘲尺寸 吳偉豪：冇乜放喺心【下一頁】

同場的林正峰人氣越來越旺，除了主演的《青年心城之撐起青春》正在熱播之中，今日啟播的《星空下的仁醫》亦有他的演出，如今再開新劇，實在機遇不斷。林正峰感激監製的賞識，表示今次角色終於一洗頹氣，「我終於『脫貧』喇！以往都係演廢青同躺平族，好開心終於可以演完全唔同嘅角色，富二代喎！不過我個角色心地唔衰嘅，唔太負面，不過就累到好朋友吳偉豪咁囉！今次做富二代，人都要企直啲！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

同場加映：Sick問識答｜中醫拆解月經中後期保養身體貼士

{{hket:ul-video id="4394"}}{{/hket:ul-video}}

責任編輯：楊安莉