余文樂男人40「私生活」大公開 王棠云素顏出鏡囝囝正面首曝光

今年11月便踏入40歲嘅余文樂入行20年，過去一直扮演別人，如今覺得係時候「做自己」。樂仔着手製作1輯10集紀錄式短片《Inside Out》，於自己嘅網上頻道分享一直以來想做嘅事，包括工作、家庭、興趣、個人品味等範疇，以一個輕鬆的方式畀大家了解真正嘅余文樂。

同場加映： 炎明熹感激家人沒強加期望添壓力 做歌手學會珍惜機遇先苦後甜

{{hket:ul-video id="4410"}}{{/hket:ul-video}}

{{hket:inline-image name="11.JPG"}}{{/hket:inline-image}}

喺短短嘅2分鐘預告片中，攝影師跟隨樂仔just go with flow（順其自然）生活，捕捉佢各種「日常」，將無拘無束嘅樂仔展示於大家眼前。樂仔一直以來都好嘗試camping滋味，攝製隊就跟住佢同一班朋友過一晚camping生活，記錄佢做「大孩子」嘅一面。露營或者對一般人嚟講好簡單，但對樂仔而言卻是一件一直夢寐以求嘅事。

樂仔又同跟大家分享與妻兒嘅生活點滴，王棠云素顏出鏡、囝囝正面更首次曝光。樂仔大談佢對投資嘅心得，更將投資混合興趣，分享自己愛上NFT （非同質化代幣）藝術收藏投資以及各種藏品；又揭開佢業界嘅神秘面紗，公開佢工作室嘅每個角落、個人品牌嘅創建運作、對過去同未來的事業睇法等，帶大家認識面對人生另一個階段嘅樂仔。

樂仔指自己過去20年好多時間都為工作而忙，覺得而家應該畀自己有另一啲選擇，工作要繼續，但可以選擇同以前唔同嘅方式。佢表示自己想有更多時間留喺太太同一對仔女身邊，陪小朋友成長，唔想錯失寶貴嘅光陰；又想滿足一下自己嘅喜好同興趣，一步一步實現同享受。樂仔趁自己40歲生日好時機，帶大家睇佢如何做到「work-life balance」。 

同場加映：新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}