食用安全︳港男實測用外賣壽司加水煲粥 切魚生變海鮮粥讚好食：係有啲酸味︳附專家拆解食安危機

一名港女早前因生病而且不懂煮粥，遂發揮創意用外賣壽司加水煮成粥，帖文在網上隨即成為熱話。有港男日前照辦煮碗，於一間連鎖外賣壽司店買來三文魚及帶子壽司，實測以壽司煲粥的可行性，完成後更大讚雖然有酸味，但味道不俗。有專家曾接受《晴報》訪問時指出，魚生即使加溫煮熱後亦未必能徹底殺滅所有病菌，進食後有機會導致嚴重腹瀉，故此絕不建議用此方法煮粥。

同場加映：

新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}

該名港男上周三（13日）於網上討論區「高登」以「諗住夜啲煮個海鮮粥…」為題發帖，指自己於一間連鎖外賣壽司店買來三文魚及帶子壽司作為材料，打算以電飯煲嘗試煲粥，並圖文並茂公開整個過程。

他表示，自己首先處理壽司飯，加熱水浸一會，浸完就放落電飯煲開始煮粥。其後從圖中所見，該些壽司飯越煮越綿，與正常粥水無異，

「煮得幾靚，感覺有啲似日本酒店朝食嗰啲粥。」

（↓點擊圖片放大↓）

為了去除壽司醋的酸味，他表示會加味粉，並以帆立貝湯粉開水調味，「可能會酸酸甜甜，應該唔錯。」然後，他再將壽司上的三文魚及帶子刺身加入粥內，

「係咁意切吓啲魚生，放埋落去，加啲莞茜。」

最後他放上成品照片，只見用壽司煲成的海鮮粥似模似樣，而擺盤亦見心思。對此，他表示：

「完成！雖然係有啲酸味，味道都唔錯，下次可以加啲辣椒整個重慶風味酸辣粥試吓！」

此事引來網民熱議，雖然有不少網民大讚事主有創意、 壽司粥看似十分美味，但同時亦有人擔心會有類似生滾魚片粥的食安危機：

（↓點擊圖片放大↓）

壽司煮粥可致嚴重腹瀉

香港中文大學中醫學院及中西醫結合醫學研究所客座副教授林冠傑早前接受《晴報》訪問時表示，壽司飯是加醋製成，酸米易致胃脹，繼而可引發腸胃不適；若加入同煮的魚生本身含沙門氏菌或金黃葡萄球菌，即使加溫煮熱後亦未必能徹底殺滅所有病菌，進食後有機會導致嚴重腹瀉，故此絕不建議用此方法煮粥。

他提醒，煮粥切勿煮得太稀，即「水還水，米還米」的狀態，因稀粥會較易從胃部流走，從而刺激脾胃及可能引發胃酸倒流、嘔吐等。他建議可用黏度較高的米煮成「綿狀」，令粥能在胃內停留較長時間，飽肚感較重之餘，亦能起養胃及溫胃的作用。而坊間或會用隔夜飯煮成粥，但飯本身糖分較高，若儲放不當會容易變壞，故他建議大眾若想用隔夜飯煮粥，應先確保沒有變壞及變醙，才可用於煮食。

港女凍病用外賣壽司加水煲粥，網上分享自讚：覺得自己好醒，詳情即睇：【下一頁】

同場加映：

【娛樂直擊】李佳芯開新劇竟然有個17歲仔？ 吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴