尹蓁晞自爆減肥令上圍縮水

尹蓁晞（Yumi）及黃榕前晚出席生日派對，Yumi穿上低胸裝亮相，她自言因勤做運動減肥，加上甲狀腺問題痊癒，所以激減十公斤，「我依家54公斤，上圍都有縮水，縮減咗1.5個cup，所以最近食多啲蛋白質，令身形更好睇。」談到感情狀況，她表示目前單身，最近忙於做網上直播帶貨，希望帶來穩定收入。

同場的黃榕早前在健美比賽連奪兩個冠軍，她表示已準備12月參加另一項比賽。提到未能入選《全民造星IV》，她笑言無酸溜溜︰「只係我一直想試下參加真人騷。（參選亞姐？）應該唔會，亞姐要講口才，我講嘢唔叻，只係鍾意表演跳舞同唱歌。」

採訪︰Pauline

攝影︰林良明