林子博一對子女獲英國學校錄取 爆姊弟齊發燒 憂心確診

前無綫娛樂新聞主播林子博早前帶同女兒詠渝及兒子卓楠，到英國展開新生活，表明要實踐對亡妻董燕君（Shirley）的承諾，用餘下人生好好培育子女成才。林子博昨日在YouTube個人頻道公布好消息，一對子女分別搵到學校讀書，返學情況會陸續在網上分享。至於他曾講過一家三口入住酒店最大問題是無爐頭煮食，在這後最新影片中卻漏口風，已搬進樓高兩層的新居所，並為患病的子女下廚，看來他逐一解決就業、居住及子女返學問題，很快可以融入當地的生活。

{{hket:inline-image name="10201001.jpg"}}{{/hket:inline-image}}

{{hket:inline-image name="10201006.jpg"}}{{/hket:inline-image}}

同場加映：【娛樂直擊】李佳芯開新劇竟然有個17歲仔？吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

林子博最新的影片以子女病倒為主題，稱自己過去兩星期沒心情及時間去拍片，一對子女先後出現發燒、感冒、流鼻水、咳及有痰狀況，言談間顯得憂心忡忡，「雖然有帶啲平安藥過嚟，無諗過佢哋一齊病，所以好快食晒，畢竟呢度唔同香港。香港周圍都係私家醫生，呢度啲人有病好多時係睇政府醫生，因為私家醫生係幾貴，門診起碼要70英磅，即係港幣700元以上。呢度有咩傷風感冒，都係自己去超市買成藥食。」他之後分享在超市買回來的成藥，當中包括快速檢測包，慎防子女確診新冠肺炎。

移英報喜｜林子博落實為地產公司 直播宣傳 做番老本行：個人定咗好多【下一頁】

林子博深感這段日子有人在網上鬧他，預計今次亦會藉機會鬧他令子女病倒，亦搞到自己好忙亂，「其實要唔舒服，喺邊度都可以唔舒服，唔淨止喺英國，喺香港都可以唔舒服！當然喺人生路不熟嘅地方，個心會亂少少，但係又唔需要太擔心……最重要都係小心啲，唔好畀自己病……而家放心晒，兩個小朋友都退咗燒，仲有幾聲咳。」

林子博移英一個多月嘆「唔容易」 租唔到樓住酒店子女難撲學校【下一頁】

他之後講到入住的地方有兩層高又有得煮食，已搬離酒店，「喺呢度嘅好處，香港地方比較細，一間屋可能得幾百呎，當一個人唔舒服好易惹到第二個、第三個。我而家住嘅地方就有兩層，有幾間房，變咗大家分別喺唔同地方自我隔離，總之你喺自己間房就可以除口罩，出房就戴口罩，我要落去下層煮嘢畀佢哋食。其實最初佢哋發燒，我有擔心係咪中咗招？中咗COVID？跟住做咗快速測試後證實冇事，安心之餘亦係一個警惕，而家諗住接種疫苗，擔心自己中咗招，仔女冇人照顧唔知點算。」

（↓點擊放大睇圖片↓）

影片結束前他表示有好消息，就是子女搵到學校讀書，「小朋友好快就返學，分別同佢哋搵咗學校，話有位會收佢哋，至於返學嘅情況係點樣，下一條片同大家講。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】