《把關者們》大受歡迎│劉佩玥爆拍劇時常陰陰笑傾電話 陳家樂：佢令我認真計劃將來

陳家樂和劉佩玥（Moon）合演的劇集《把關者們》剛播畢，二人前晚在社交平台再度「合體」開直播。期間Moon大爆家樂近來經常跟一名女生煲電話粥，而家樂竟直認不諱，引來大批網民推測神秘女生的身份，結果卻是估你唔到。

把關者們│黃庭鋒演消防員殉職搞喊網友 「好戲唔係一個人可以做到」【下一頁】

{{hket:inline-image name="1_DSC8455.jpg"}}{{/hket:inline-image}}

{{hket:inline-image name="1ILCE-7RM21037.jpg"}}{{/hket:inline-image}}

陳家樂跟劉佩玥在《把》劇大結局後各有各忙，兩人難得合作開直播，家樂笑言十分掛念Moon：「諗起我哋喺荒山野嶺拍劇捱飯盒嘅日子。」開心閒談後，Moon突然認真起來，對家樂表示「要爆你料」，家樂未及阻止，Moon已經「一輪嘴」說︰「拍《把關者們》以外，我成日見到家樂神神秘秘講電話，仲要陰陰嘴笑。」家樂初時連番否認，最後在Moon威迫下才坦承︰「當時係識咗個女仔，佢好精明、又細心、又有耐性，我覺得有種相逢恨晚嘅感覺，佢會令我好認真咁諗下將來同計劃。」

網民聽到震撼爆料，隨即瘋狂留言，追問誰是家樂口中的幸運女生，正當網民鬧哄哄競猜之際，家樂才揭曉，原來是中銀香港個人金融及財富管理部客層管理處主管溫晞文（Tania）。家樂坦言自己對數字不敏感，也不懂理財，所以特別向Tania請教投資心得。Tania現身直播，家樂及Moon即把握機會向對方不停發問，Tania亦大方分享後生仔女利用手機APP理財投資的心得。家樂與Moon異口同聲表示平日工作不定時，所以依靠手機APP，實行新世代自主理財。他們表示現正處於事業搏殺期，努力工作之餘，更要學習投資，當中課題包括儲蓄、投資股票、甚至買磚頭的話題都無所不談。家樂平日開工等埋位時，不時密密撳手機，原來正學習買賣碎股，「今次喺Tania口中，學識更多碎股交易嘅知識。我覺得買賣碎股係幾好嘅投資，因為流動資金唔多，如果想買一啲一手金額好大嘅股票，未必可以一次過買到；但如果可以用低啲嘅入場費完成交易，唔使要一大筆錢先買到，風險低啲又靈活啲，更加方便年輕人。」

劉佩玥變「大腳八」望落廿呎高 勁似《足球小將》長腿比例驚人【下一頁】

至於Moon坦言以前十分「大洗」︰「依家我會將三分一人工做家用、三分一儲蓄、三分一畀自己用。」她希望將來做小富婆，所以首先儲了一筆錢後才投資，「少至幾萬蚊，多至10幾20萬，都可以做多元化投資動作。我會先買保險，再留意投資基金，然後買股票，一步一步嚟。我唔係投資或股界神童，如果蝕晒錢會好肉赤，又唔想承受太高風險。聽完Tania分享，先知依家手機APP好方便，可以隨時隨地規劃投資計劃，設定唔同人生目標，例如置業或者退休，輸入簡單資料就即時計到目標差距，慳好多時間！」

{{hket:inline-image name="KaLok_1.jpg"}}{{/hket:inline-image}}

{{hket:inline-image name="Moon_1.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：倪小珊
責任編輯：楊安莉