《健康旦》訪問｜陳秀雯9年前轉型做香薰治療師 唔認揀戲拍：只係遇到啱先做

陳秀雯最近接受鄭丹瑞《健康旦》的訪問，兩人大談相識經過，前者同時分享轉型做香薰治療師的原因及過程。

{{hket:inline-image name="chan.png"}}{{/hket:inline-image}}

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

阿旦表示與陳秀雯相識已久，女方在1980年拍攝麗的電視劇《驟雨中的陽光》時，他是一名編劇，身兼多職，「當時要宣傳《驟雨中的陽光》，我除咗係小編劇，仲係一個薄有名氣嘅DJ。咁麗的電視就叫我幫手，陳秀雯去唱歌，我就去做司儀啦！10點幾喺荔園劇場，係無咩人……我好記得呢幅畫面。」

{{hket:inline-image name="chan5.png"}}{{/hket:inline-image}}

陳秀雯指與阿旦淵源在更早之前，「我入娛樂圈之前，你係一路陪住我讀書。唔知點解做功課就係要聽收音機，聽親都係《旦沙律日記》，所以呢把聲音係陪住我成長。」阿旦聽到後笑說：「估唔到我哋係咁樣結緣。」

陳秀雯現已淡出幕前，原來她在9年前修讀香薰治療師課程，她指自己本來沒有計劃做生意。「10幾年前好興一隻叫『detox』，可以排毒。有次喺外國經過一間鋪頭聞到好香嘅香味，入去發現有賣一支嘢叫『detox』，原來枝嘢係拎嚟沖涼。由細到大成日覺得身體有好多毒素，要排番出嚟。用用吓發現枝嘢好有效，但越有效就越擔心……所以都係讀番個課程好啲。」

{{hket:inline-image name="chan2.png"}}{{/hket:inline-image}}

在2012年，陳秀雯修讀香薰治療師的full time課程，讀了差不多一年左右，現在是一名香薰治療師，亦會親自調製各種香薰精油，「香薰精油主要係我自己用，朋友有問題又會問我，圈子越來越大，甚至連粉絲都話想買我啲香薰精油。最後我就整咗個網頁，叫粉絲上去睇，有咩啱就寄畀佢哋。」

陳秀雯表示現在做香薰治療師好滿足，「其實香薰治療師、演員兩種職業我都鍾意（拍戲揀擇啲？），其實又唔係，只係遇到啱嘅角色先做，我個人就係咁，唔勉強。同埋年齡唔同咗，以前拍咗好多好劇，而家體能又唔同咗，會遇到好嘅劇本先會再做。」

《教束》陳秀雯隔9年回歸電視圈演副校 前夫欠下巨債走佬沒半句埋怨【下一頁】