早霸王丨森美電台節目no show人間蒸發？ 小儀開咪提供「最後露面」衣着尋人

由森美、小儀及Marco主持的商台節目《早霸王》，每集首句是「喂，起身返工呀！」但這句似乎對森美起不到作用，因為……他今日（21日）竟然No Show，沒有現身直播室，搞到拍檔小儀和Marco要在節目中尋人。

同場加映：【娛樂直擊】李佳芯開新劇竟然有個17歲仔？ 吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

{{hket:inline-image name="66466895_868057666897126_5106486870548364938_n.jpg"}}{{/hket:inline-image}}

節目準時在早上10點開始，當播完《早霸王》主題曲後，小儀說：「點解我頭先大嗌『起身喇喂！』其實我真心要覺得攤出嚟同大家推理一吓，究竟發生乜嘢事。話說每朝早，Marco會同我一齊坐車，因為我哋同區，今朝如常，去到廣播道口，我見到疑似森美嘅人物喎，佢經過嘅時候係喺我架車嘅後面，所以我剩係見到佢背脊。（佢）揸住架電單車，我望到佢件風褸，係我見過，但我唔認得電單車啲車款，所以就唔肯定；我仲同你（Marco）講『嗰個係咪森美？』，當時已經接近10點。」

【不老症】阮小儀獲商台頒發25年服務金牌 搞笑回應網友：我一向冇唔認老【下一頁】

小儀還指森美為人很chill，皆因曾聽對方說過，早上做完運動後，會駕駛電單車去兜兜風，兜完才返商台開工，她續說：「我計緊條數，冇理由吖，要開咪，仲有好少時間喎，兜去邊呢？心諗應該兜完樂富上返嚟，ok啦，兩、三分鐘搞掂，撻一撻架車，同埋撻一撻自己；但我哋返到嚟，事態又唔同咗……」Marco說：「佢有時好似成尊佛咁坐咗喺度，但今朝呢尊佛就唔見咗，打畀佢，又冇人聽，我哋一齊搜尋『森美在哪裡?』，大家喺街有冇留意到佢，會唔會話畀佢聽今日要返工，係咪佢唔記得咗要返工呢？」小儀又向大家透露，疑似是森美的人身穿紫色、有拼貼布的風褸，問大家在街上有否看到一架死火的電單車，並說：「我有打畀佢最親密嘅女人，個女人話『吓！佢出咗門口㗎喇喎！』其實我嗰吓有啲驚，我會唔會篤爆咗佢一啲嘢呀！佢出咗門口，但唔係返嚟我哋度（商台），又或者森美要銷假，會唔會以為今日係銷假嘅假期……有冇今日約咗森美嘅朋友，麻煩你提一提佢。」

DJ森美揸古董電單車扮Chok佬 被網民踢爆穿虧佬發熱背心【下一頁】

{{hket:inline-image name="242033732_2922083164724327_3702331892513573852_n.jpg"}}{{/hket:inline-image}}

{{hket:inline-image name="246287859_627077118284287_6521376118883627747_n.jpg"}}{{/hket:inline-image}}

他們作出呼籲後，在10點25分左右，森美的聲音終於在直播室出現，小儀笑說：「聽到我哋呼喚你。」森美回她：「唔係呀，良心發現咋！」Marco表示：「佢應該覺得今日係時候要退休，就行咗出去，其實我哋頭先撞到嗰個係咪你？」森美直認是自己，小儀笑他：「我認得件風褸，舊款。」森美笑住解釋：「我揸住架太空戰車，上咗太空呀！我本身諗住講太空嘅事，出門口嘅時候，我以為自己今日放假，周圍行吓都好吖！一入油，唔啱喎，今日唔係放假喎，咁我已經返嚟㗎喇，但我身上冇錶，冇電話，因為我揸緊電單車，我諗都遲到㗎喇，但小心駕駛為重。」Marco追問他為甚麼會有放假的感覺？森美表示今早已準備好今天的節目，自己亦換上行山束裝束，「今朝起身我知自己要返工，係出門口嗰吓變咗放假……我都驚驚哋，我諗我有啲問題。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】