換命真相｜譚俊彥玩有問必答親解時空問題 原來重點喺佢副眼鏡度…

由譚俊彥、鄧佩儀、張頴康、朱敏瀚、蔣家旻及劉佩玥等主演的台慶劇集《換命真相》，講述譚俊彥飾演的主角「時光」，奇蹟獲得一次重生機會，回到意外跌死前100日，於是他決定阻止身邊連環不幸事件的發生；由於是穿越題材的關係，少不免會出現回憶片段，觀眾稍一不慎會有點混淆。譚俊彥為了讓觀眾睇得明白，這次在IG分享箇中小貼士，就是從他所戴的眼鏡款式分辨「原時空」（重生前）、「現時空」（重生後）時間線，並很窩心跟網民玩「有問必答」，增加觀眾對劇集的了解度。

{{hket:inline-image name="10221002.JPG"}}{{/hket:inline-image}}

{{hket:inline-image name="SAM_8413.JPG"}}{{/hket:inline-image}}

同場加映：【娛樂直擊】李佳芯開新劇竟然有個17歲仔？ 吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

譚俊彥在IG留言：「大家睇咗幾日，我聽到有啲朋友覺得亂喎……好啦等我解釋一下啦，介紹返中間嗰幅圖嘅眼鏡就係（原時空）即係重生之前，最低嗰幅圖嗰副眼鏡就係（現時空）即係重生之後。大家以後睇到我副眼鏡就可以分究竟係咩時空，有啲咩唔明隨便問我，盡量為大家解答，當然記得繼續支持 #換命真相 #有問必答」。

換命真相｜朱敏瀚演律師「朴寶劍」大方騷肌 同譚俊彥玉帛相見HeHe味濃【下一頁】

難得主角現身為大家解答問題，不少網民即留言發問，網民問：「這個細節還真的沒有注意，現時來講都看的明白時間線的，就是和張旻（鄧佩儀飾）原時空裏6月底7月初才相見，10月底就連求婚戒指都戴上了，太厲害啦！」譚俊彥解答：「之後劇情就會有交代， 放心。（點解重生之後要換眼鏡？）因為副眼鏡爛咗，咁高跌落嚟好難唔難嘅。（最上面冇戴眼鏡代表甚麼？）代表我今朝起身嗰個樣。（重生之後有些原本識嘅人變成唔相識？）Yes！（拍攝時自己有亂嗎？）冇呀，劇本寫得好清楚。（打橋牌出現兩次令人混亂？）一次係原時空，一次係重生返嚟，可以睇到時光嘅態度已經唔同咗，因為佢已經知道有啲咩事情會發生。（原本時光去咗邊？）時光係帶住100日後嘅記憶回到以前嘅時間點。」

《魷魚遊戲》丨譚俊彥被封港版李政宰感尷尬 「456」成新花名：好似一路抽人水咁【下一頁】

當然有些網民不用解釋也看得明劇情，留言大讚劇集好睇，「一啲都唔亂，而且噚晚嗰集都交代得好清楚，大家一定要繼續追」、「我冇留意眼鏡，但只要每次見到嗰段倒後短片，就知道要講返之前嗰個時空」；有人發問一些搞笑問題︰「咁解釋吓你同李政宰有乜分別」及「唔講真係唔知，以為fashion only」等。

（↓點擊放大睇圖片↓）

《換命真相》下周劇情講到時光（譚俊彥飾）被朴寶劍（朱敏瀚飾）知道他的秘密後，於是讓對方參與自己的計劃；而他亦再次回到維利大廈，決心要拯救已罹難的住客。至於他一心想遠離意中人張旻（鄧佩儀飾），緣分似被上天注定，就算好兄弟袁佑勳（張頴康飾）追求她，時光、張旻反而越走越近。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】