賭命夫妻丨七師傅打救關係出現危機的夫妻 人夫Dennis：老婆我愛你

正所謂「家家有本難唸的經」，要唸這本「難唸的經」，又怎可以沒有七仙羽師傅呢！七師傅曾在ViuTV節目《七救星》打救一班藝人，為他們轉運，今次又再出手，她在昨晚（21日）播出的ViuTV節目《賭命夫妻》的一集中，打救其中一對容易有拗撬的夫妻Dennis和Teris，希望令他們的夫妻關係變好。

同場加映：【娛樂直擊】李佳芯開新劇竟然有個17歲仔？ 吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

{{hket:inline-image name="50.jpg"}}{{/hket:inline-image}}

Dennis和Teris去到七師傅的佛堂，七師傅指Dennis是個脾氣不錯的好老公，猶如一隻溫馴的白兔，而Teris則似一隻貓，較為情緒化，不時會向老公撒嬌。七師傅說：「佢哋主要係脾氣、情緒化嘅問題，係同平時太疲倦有關，我用能量嘅方法幫吓你哋。」七師傅指蘋果是罪惡根源，香蕉有好的能量，所以飲鮮榨蘋果汁和香蕉皆可平衡能量及情緒。

《七救星》丨七仙羽為林作擺平婆媳關係 合十不停唸「難唸的經」望化解【下一頁】

及後，七師傅再發功，要兩人聞玫瑰花，她說：「 如果你覺得做生意壓力好大，兩公婆嗌交，你一定要令自己嘅情緒釋放出嚟，你可以望住玫瑰花，攞個鼻去吸，吸多幾啖會想瞓覺，係好舒服，好relax。揸住枝花去冥想，你諗住你老公好嗰方面，諗唔出都要夾硬諗，你哋而家可以互相講吓，你（Teris）對佢嘅優點，要講出嚟，你唔講出嚟，觀眾唔會知。」Dennis說：「佢嘅優點，其實都好多，我老婆係一個好善良嘅人，心地好好，身材又好，眉又長，眼又大。」Teris亦大讚老公是個有承擔、有責任心，很重視承諾的人，而且玩時盡情，但做事認真。最後，七師傅寄語兩人勿管對方，只要管好自己就夠。Teris認同七師傅的說法，「我唔管你，你唔好管我，有啲嘢亂係我嘅事，太亂會自己執。」Dennis頂不住頸駁老婆：「可唔可以剩係亂你間房先？」Teris即回他：「我想講其實亂都係亂我間房。」工作人員見他們又再起爭拗，大叫「蘋果汁、蘋果汁」。七師傅見狀，立即使出絕招，叫他們拿住能量塔進行冥想儀式，然後來一個擁抱。兩人真誠說出對方的優點，七師傅最後送了一個粉紅色心形天鵝給他們，成功打救了Dennis和Teris。

自爆原名係...丨七仙羽點頭承認是處女之身 似一座冰山： 點攻都攻唔破【下一頁】

{{hket:inline-image name="10.jpg"}}{{/hket:inline-image}}

其實《賭命夫妻》早前播出的集數，曾被觀眾投訴過於色情。在第5集，製作組安排5位PTGF（兼職女友）與5位人夫展開「快樂船P」，戴上眼罩的人夫們要被PTGF挑逗，其實5位人妻全程看在眼裡。輪到Dennis與扮PTGF的老婆Teris食軟糖，食至軟糖盡頭時，兩人錫嘴；幾秒後，Teris忍不住向老公怒摑一巴，隨即惹來爭議，成為網民熱話。通訊事務管理局（通訊局）日前表示收到40宗有關該節目的投訴，投訴人主要認為節目內容低俗、過於色情、意識不良及鼓吹婚外情，通訊局會按既定程序處理有關投訴。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】