晚吹丨父母為SEN子女搵學校四出奔波 上門搵盧冠廷尋協助終入學

3位神奇媽媽亮相ViuTV節目《又要威又要戴頭盔》，大談SEN（Special Educational Needs）子女在學習過程中，遇到甚麼困難，但究竟甚麼是SEN？一位媽媽表示：「SEN係特殊教育需要，包括有9種類型，大概有肢體傷殘、聽障、視障、智障，學習障礙就包括過度活躍症、自閉症、讀寫障礙等等，仲有其他特殊學習障礙。」

同場加映：【娛樂直擊】李佳芯開新劇竟然有個17歲仔？吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

{{hket:inline-image name="11.jpg"}}{{/hket:inline-image}}

{{hket:inline-image name="55.jpg"}}{{/hket:inline-image}}

3位神奇媽媽的子女分別有不同障礙，同時是資優生，其中一位正攻讀碩士學位，主持人余迪偉說：「蕭敬騰曾經喺訪問講過，佢有讀寫障礙，有趣嘅係，佢咁成功啦，佢連睇漫畫都唔知由邊格開始，歌詞、劇本要聽好多次，背好多次，佢先記得，簽名、寫字好似畫畫咁。」一位媽媽從報章上得知盧冠廷也有讀寫障礙，於是專誠入到西貢找對方，「我住天水圍，亦唔識佢，面懵懵去搵佢，咁好彩撞到佢，我同佢講我個仔咁樣，又爬窗……我好驚，我可以點幫佢呢？」翌日她再帶著兒子找盧冠廷，她指對方很好，跟她的兒子談了很久，「（兒子）升中學要交個人檔案，因為佢（盧冠廷）寫唔到字，佢肯錄條聲畀我個仔報中學。」

唔鍾意成名作《天鳥》 盧冠廷︰啲人一見到我就「呀哈」【下一頁】

{{hket:inline-image name="54.jpg"}}{{/hket:inline-image}}

其實在5年前，盧冠廷已在ViuTV節目《超想樂盧冠廷》中，提到自己在35歲後，才發現自己有讀寫障礙，他透露以前只知道考試不合格會被痛打一頓。他認為要給小朋友有發揮的空間，尋找自信心，言談之間他是「感激讀寫障礙」，當時他在節目中說：「我哋以前邊有咁幸運？冇人理㗎！美國喺1975年先知道學習障礙係乜嘢嚟，以前係同盲嘅學生放喺同一個課室，當學習障礙嘅小朋友係盲，1975年先分開教學……去到而家都未有一個方法，完全解決學習障礙嘅問題。我而家唔識寫字，因為我細個冇而家咁嘅機會。」他寄語有讀寫障礙的小朋友，不要怕失敗，這只是一個過程，一定要找到自己的興趣，興趣加毅力，這樣就「天下無敵」，續說：「讀寫障礙畀我另一個想像空間，係普通人想像唔到，所以我選擇有讀寫障礙，我唔想做普通人。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】