秋遊好去處 海洋公園「森度遊」下月重推

秋高氣爽，又係接觸大自然嘅好時機。黛安知道，海洋公園下月將重推大受歡迎嘅「森度遊」，當中包括喺公園夢幻水都人工湖同海洋奇觀等景點舒展筋骨嘅「森動瑜伽」，及由專業導賞員帶隊、飽覽無敵風景嘅「秘行南朗山」，收費分別為320元同400元，仲會包埋公園入場門票㖭。

公園今年更推出期間限定嘅「瑜伽星夜高峰Glamping」，可約埋好友喺星空下欣賞迷人海景，套票價6,888元已包括4位成人2天入場門票，適用於活動第1天嘅海洋快證，同埋每人3節瑜伽體驗，即日起可到海洋公園官網報名喇。