跑半馬抽筋兼作嘔 張繼聰為囡囡頂硬上

藝人張繼聰、張紋嘉（Crystal）、林奕匡（Phil）及梁釗峰等昨日出戰渣打馬拉松。首次挑戰半馬的張繼聰，以1小時33分29秒的佳績衝綫，他賽後興奮表示非常滿意成績。「為咗新電影搵教練練長跑一年，但套戲依家都未拍，教練叫我試吓跑馬拉松。」他透露前一晚只睡了數小時，又指女兒張靖為他搽指甲油，叮囑他累的時候可以望住隻手。張繼聰冧爆說︰「我望咗兩、三次……跑到灣仔時隻腳想抽筋，最後兩公里直情跑到想嘔。」他笑指完成賽事有紀念獎牌，為了「威畀個囡睇」，惟有硬着頭皮上。太太謝安琪在賽事後亦留言支持︰「我覺得好滿意。」

而馬拉松常客Crystal和Phil則齊齊參與10公里賽，以1小時15分02秒完成賽事的Crystal表示︰「比過往慢咗五分鐘，我邊跑邊喺心裏面粗口橫飛鬧自己，可能過往後生啲，同埋天氣凍啲，今年比較熱。」Phil曾有四次跑馬拉松經驗，今年首次挑戰西隧路綫，斜路和暗斜較多，他直言跑得頗辛苦，Phil自爆︰「我嘅心跳一度高達182下，要即刻放緩，如果唔係撑唔到完賽。」至於原本參與半馬的陳健安（On仔），前晚臨開跑在社交平台宣布因身體不適退賽，其好拍檔釗鋒大感可惜稱︰「唔好搏，下年再一齊參加。」