《膠戰S2》神還原朗誦片勁浮誇 網民熱捧呂爵安︰最正嘅小學雞

ViuTV遊戲節目《膠戰S2》繼首集有人氣男團MIRROR成員呂爵安（Edan）曬肌兼喪跑搶鏡，前晚第三集再次玩謝Edan，他在大懲罰環節中，在鏡頭前重新演繹他小學時的朗誦片段。一眾爵屎（Edan粉絲）笑到反肚，又大讚Edan展現小學雞的傻氣。

前晚節目中，「6膠」成員Edan、岑珈其、魏浚笙（Jeffrey）、劉沛蘅（Hillary）、黃正宜（阿正）及徐浩昌（肥腸），與YouTube頻道「小薯茄」成員麗英、阿冰及程人富，分成三隊大玩小學雞遊戲，如「麻鷹捉雞仔」、「爭凳仔」及「踢罐」等，眾人玩「爭凳仔」時非常投入，幕後人員特地播出Edan的《E先生連環不幸事件》、《小諧星》等金曲，眾人邊玩邊唱，乘機幫Edan宣傳。最後Edan、Hillary及阿冰一隊獲最低分，要接受大懲罰，三人合作朗誦新詩。製作單位找來Edan小學時代的朗誦片段，安排他再化身「朗誦安」，親自演繹小時候的「黑歷史」；Edan朗誦時抄足自己小時候抑揚頓挫、七情上面的浮誇表情，又大扭蛇腰，令大懲罰更添笑點。不過，Edan全程經常忘記詩句，要身邊人提點，認真搞笑。

另外，Edan今年初推出的《E先生連環不幸事件》，MV在YouTube點擊率截至昨日亦已衝破1,000萬大關，而海外爵屎組織「呂爵安美加後援會」隨即捐出約12萬港元予美國及香港註冊慈善機構Silver Lining Missions，再轉贈山區及緬甸兒童，甚有善心。

Anson Lo炒完車「流鼻血」

此外，MIRROR另一成員「教主」盧瀚霆（Anson Lo）前晚在IG透露坐的士期間，的士被後面的私家車從馬路撞至行人路，因而扭傷腰部，他呼籲大家坐車時一定要扣安全帶；一眾神徒（Anson Lo粉絲）心痛不已，紛紛呼籲他盡快睇醫生。昨日，Anson Lo發布IG限時動態，用其最愛的「流鼻血」濾鏡自拍報平安︰「一個實時嘅update狀況，大家放心，唔使咁擔心，我條腰唔係咁大問題，最大問題係不嬲有舊患，所以唔使咁擔心，OK。」相信神徒可放下心頭大石。

撰文︰Steven

美術︰梁政敏