【聲明】港生活網站並無進行電話推廣活動

主持明珠台新節目 陳凱琳邀鄭嘉穎任壓軸嘉賓

發佈時間: 2021/10/26

陳凱琳(Grace)將加入明珠台大軍,主持清談節目。她昨日出席活動時,笑指會邀請老公鄭嘉穎任壓軸嘉賓,但她直言擔心老公上節目時會被欺負,認真廿四孝老婆。

陳凱琳和人氣KOL雪姨(容可兒)昨日到沙田為護膚美容中心擔任開幕嘉賓,Grace表示現時每次完成工作後,都會急急腳回家,她解釋︰「朋友都會講笑,話五點之後唔使搵我,因為我要趕返屋企湊仔,又要煲劇(老公鄭嘉穎的新劇《星空下的仁醫》)…原來好多人鍾意睇,留意嘉穎個角色係『鬍鬚叔叔』,因為佢而認識我,哈哈!」Grace又指兩個囝囝年紀尚小,劇集播出時已經睡覺,會留待他們長大後,才讓他們重溫爸爸的演出。

睇老公新劇拒外出

另外,Grace將加入明珠台主持清談節目,她自認本身喜歡交談,並透露節目將討論愛情、家庭等話題。至於會否邀請老公任節目嘉賓,Grace笑言︰「呢個quota要留番壓軸先做,其實之前主持《日日媽媽聲》都有諗過搵佢上去,但因為節目入面啲老公嘉賓都會被人蝦,所以最後都係打消咗呢個念頭。」

問平日愛炮製甜品的Grace,可有興趣擔任烹飪節目主持?Grace表示有興趣,但自言不是專家;身旁的雪姨則讚Grace廚藝不錯,更提議Grace做「明珠台肥媽」,Grace聞言後感愕然,雪姨即糾正道︰「都係『明珠台瘦媽』啱你啲。」

攝影︰林良明

美術︰梁政敏

採訪︰Pauline

主持明珠台新節目 陳凱琳邀鄭嘉穎任壓軸嘉賓

雪姨與Grace是生意拍檔,默契十足。

主持明珠台新節目 陳凱琳邀鄭嘉穎任壓軸嘉賓

嘉穎主演的新劇《星空下的仁醫》,口碑不俗。(IG圖片)