【植物肉點心】淘大全新素點心系列！100%植物肉配方翡翠餃、叉燒包，健康找素新選擇!

近年喺健康飲食嘅新風潮下，以植物肉替代肉類食物愈見普及。最近有急凍點心品牌推出叮叮素點心，方便素食人士或想食得輕怡嘅大眾隨時「找素」，講緊嘅係淘大全新推出嘅「悠嚐素點心系列」，系列夥拍OmniFoods新豬肉，採用100%植物肉配方創作出兩款零負擔嘅素點心。即睇我哋「找素」試味報告！

神還原翡翠餃  翠綠水晶皮包住啖啖健康滋味 
率先試食「悠嚐素點心系列」翡翠餃，官方標榜：無添加激素、無膽固醇、無反式脂肪酸、無防腐劑、無添加味精、不含五辛食材，真正健康無負擔，讓大眾可隨時品嚐健康輕食!

{{hket:inline-image name="2.JPG"}}{{/hket:inline-image}}

▲每盒內含六粒翡翠餃，叮完之後餃皮晶瑩剔透，用新豬肉代替傳統豬肉，味道可媲美一般真餃。

同平時食淘大叮叮點心一樣，只要先將包裝袋剪去一角，然後原袋放入微波爐叮1分30秒至2分鐘就搞掂! 從包裝袋取出翡翠餃，翠綠嘅水晶皮晶瑩剔透，可以隱約見到內裡飽滿嘅餡料，加入菠菜汁造成嘅水晶皮皮薄煙韌，餡料仲富有啖啖鮮甜味，估唔到植物肉都可以做到有肉汁嘅效果，配搭埋冬菇、馬蹄等餡料，粒粒爽脆有嚼頭，不論味道、口感同營養都可以媲美真肉版嘅翡翠餃！

{{hket:inline-image name="3.JPG"}}{{/hket:inline-image}}

▲菠菜汁外皮皮薄煙韌，中間嘅新豬肉、冬菇同馬蹄餡料仍見顆粒，咬落去味道鮮甜。

新肉絲製作素叉燒包  味道有真叉燒神髓

{{hket:inline-image name="4.jpg"}}{{/hket:inline-image}}

▲植物肉配方叉燒包每個都相當飽滿，素叉燒味道濃郁，但無叉燒嘅肥膩感覺，食一至兩個做早餐非常飽肚。

另一款係淘大「悠嚐素點心系列」叉燒包。每包共有四個，同樣只要剪開包裝袋一角放入微波爐叮1分30秒至1分50秒就食得，非常方便。叉燒包包身堅廷又鬆軟，咬開中間餡料，原來係經淘大秘製調味嘅新肉絲，味道竟然有真叉燒嘅神髓，包身亦無添加鋁發粉，份外健康，唔好再誤會微波爐食物等於唔健康！

{{hket:inline-image name="5.jpg"}}{{/hket:inline-image}}

▲淘大全新推出「悠嚐素點心系列」，夥拍OmniFoods新豬肉以100%植物肉配方創作出兩款叮叮素點心，方便大眾隨時「找素」。

淘大「悠嚐素點心系列」限時優惠 
由10月29日至11月4日，於指定惠康超級市場及Market Place by Jasons可以HK$37購買3包淘大「悠嚐素點心系列」點心。

銷售點：指定惠康超級市場、Market Place by Jasons、百佳超級市場、International、Taste 及HKTVmall

資料由客戶提供