拳力以赴的我們｜向佐拳賽落後狗急跳牆犯規箍頸 慘輸因戴頭盔：限制了我八成功力

早前鍾培生同林作嘅百萬擂台戰完滿結束，網民大讚林作發揮唔差，而鍾培生主辦嘅整個活動都好有noise，可以話係win win雙贏。而家喺內地發展嘅向佐，近日參加格鬥比賽綜藝節目《拳力以赴的我們》都有好多人討論，不過輿論都係批評向佐，圍插佢無品、牙斬斬、輕敵兼冇體育精神。

同場加映： 張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

向佐習武多年，而佢嘅對手肖順堯只係用咗個幾月時間練習，賽前唔少人都以為向佐會輕鬆勝出。而訓練期間，向佐對戴頭盔嘅安排大感不滿！「為甚麼戴頭盔？你有看過搏擊類的戴護具戴頭盔嗎？麻煩播一下泰臣的比賽，現在限制了我大概八成的功力。」到正式比賽時，二人對打三個回合。向佐在第一回合不停進攻，肖順堯捱打；其後肖順堯重整戰術反擊，多次成功擊中對方。在第二及第三回合，向佐多次出陰招，犯規箍對方頸，評判警告他……最後新手肖順堯以23︰22打敗向佐。

{{hket:inline-image name="wbbbcYcfUHXWmVahevAtBZdWyw5yvzUW2_TuKtv07io.jpg"}}{{/hket:inline-image}}

賽後內地網民批評向佐犯規無品，「看得我好生氣，想摔手機！這該死的向佐放狠話，顯得自己很厲害，結果被肖順堯暴打，還耍賴，一直抱肖順堯的頭。裁判叫暫停還最後給別人一拳。真的是敗好感，向佐真的是小人，輸不起」、「又裝又不能打，還耍賴，人品都給丟了」、「被個路人甲打成豬頭餅，叫停了還要多偷人家兩拳」。

香港網民都覺得向佐自恃本身有功夫底就太過輕敵，「練武多年？咩武？如來神掌？北斗神拳？場比賽唔係早一晚通知你聽朝打，點都畀時間你熟習環境同規則，輸輕敵就係抵死！唔該你跌咗落地唔好執番揸沙啦。真係好肉酸」都有人話佢係實力不足，「我好肯定佢冇輕敵，根本門外漢，佢對手雖然學咗一個月，但起碼似模似樣」、「中段畀人破防6拳中晒頭！係中到連下巴都收唔埋……個頭向後翻！對眼係望到天花板。冇頭盔？冇頭盔你死咗啦」，又有人話佢似足當年自己喺《鐵馬尋橋》中嘅角色「榮萬鈞」咁冇品，「你真係當自己係『七省拳王』咩」，有人講笑話「榮萬鈞」絕技係「穿心腿」，向佐打拳賽冇得用腳對佢唔公平呀！

其實向佐於今年5月都試過「失威」，內地網紅「藥水哥」揚言可以「一拳把他幹碎」，於是佢決定與藥水哥對打。到正式對賽，向佐多次猛烈攻擊對方，但藥水哥能在第三回合成功打中向佐，令其倒地，網民當時取笑向佐「白練武功」。另外，上月向佐原定與另一網紅對打，不過賽前以肌肉拉傷為由宣布退賽，遭網民笑佢縮沙。睇嚟向佐都要發威贏多幾場先可以證明自己真係有實力喇！