港鐵內被偷拍 胡鴻鈞︰以後會打扮一下

胡鴻鈞（Hubert）、吳若希（Jinny）等昨日錄影《勁歌金曲》，Hubert日前以一身宅男打扮，於港鐵車廂內唱歌的片段，近日於網上流傳。對於被認出，Hubert大感錯愕︰「因為自己戴晒帽同口罩，加上深夜時分無乜乘客，所以放低戒心…自己可能太投入唱歌，又瞌埋眼，完全無留意身邊發生咩事。」他又笑言︰「以後搭公共交通工具，會打扮一下。」

至於Jinny的胞弟日前18歲生日，她笑言︰「佢大個啦，終於可以申請單身宿舍，我叫佢抽居屋，（你幫佢畀首期？）我可以幫佢畀，但之後佢要還畀我，佢又唔係我個仔！」提到快將一歲的兒子，Jinny呷醋表示︰「依家返到屋企，囝囝淨係識得攬住工人姐姐，因為工人姐姐會縱佢。」

採訪︰Pauline