李蘊以為抱仔女搞到腰酸背痛 照MRI驚覺是脊椎腫瘤

現年30歲的李蘊，在2016年與內地金融才俊羅章冠結婚，婚後育有一對子女，大女紫晞、二仔明新。李蘊全心全意照顧小朋友，不時在社交平台分享與子女的生活點滴。

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

{{hket:inline-image name="17.jpg"}}{{/hket:inline-image}}

昨日，李蘊在IG限時動態上載住院相片，指自己手術成功，要吊消炎止痛藥、插尿喉，兩至三日都要躺在床上，直至晚上，她再於IG打長文透露病況，表示在數月前，臀部右邊的骨位感到痛楚，起初以為因經常抱小朋友，以致腰酸背痛；上星期五，她心血來潮去看醫生，懷疑是坐骨神經痛，於是著她照磁力共振，「一照就發現有粒1x1.6cm嘅嘢喺胸椎椎管入面，即係脊椎腫瘤，第二日再去大醫院搵大醫生（專科）睇清楚，第三日就入院做各樣深層次檢查……全身麻醉切咗粒嘢，拎去化驗驗清楚係咩嚟，過兩日先有結果。」李蘊表示由於脊椎腫瘤生長在神經線附近，所以不能做微創手術。

【各奔前程】李蘊曬舊相證十年如一日 「Cream」隊友愈大愈靚移居愛爾蘭【下一頁】

{{hket:inline-image name="20.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

完成手術後，李蘊指傷口大約5cm，「嘩！我個美背啊！哈哈！而家傷口好痛吓，呢幾日要平躺，枕頭都唔可以用，食痾玩瞓都喺床，過多幾日就可以出院㗎嘞！」她表示身體十分重要，叮囑大家如有不適，應該盡快去看醫生，及早發現，及早治療。

李蘊等多兩年重返幕前【下一頁】

{{hket:inline-image name="22.jpg"}}{{/hket:inline-image}}

{{hket:inline-image name="23.jpg"}}{{/hket:inline-image}}

{{hket:inline-image name="24.jpg"}}{{/hket:inline-image}}

{{hket:inline-image name="25.jpg"}}{{/hket:inline-image}}

今日，李蘊再上載一段片，表示：「 噚晚10點終於可以食嘢飲嘢，不過好有難度，我個私家男看護梗係負責餵飯啦……講起家暴，你覺得我似唔似被佢家暴？又要我食辣椒醬又話我黐黐哋喎，咁都可以影一餐……我就是最樂觀的人。」從片中所見，躺在病床上李蘊說：「冇飲筒，成罐嘢，你叫我點倒入個口度？」及後有一把男聲（應該是老公）問她：「辣椒醬你要你呀？」李蘊沒好氣回答︰「梗係唔得啦！麻辣火鍋吖不如！」之後這個私家男看護讓李蘊用飲筒飲椰汁，不用餓著肚子。令李蘊笑逐顏開，當然是有媽媽的照顧為，其母帶來了雞髀，她忍不住再出post留言：「午餐啦！換咗媽咪嚟照顧我，瞓喺度食雞髀，好味！」

李蘊接受《晴報》訪問，她透露現時身在廣州一間醫院，她說︰「而家只可以打平瞓，腫瘤攞咗去化驗，要兩、三日先知。（擔心係壞消息嗎？）又唔係好擔心，事情都發生咗，而家照顧好自己身體先，同埋我有買保險，可以claim到錢。」

住院期間只能躺在床休息，手上又插住喉吊點滴，不能活動自如，令李蘊十分沮喪，「醫生話要平瞓三至五日先可以落床，我有插尿喉，但完全唔知幾時屙咗尿，因為插咗喺膀胱，就算玩電話都唔可以玩得耐，隻手會好攰。」而一對子女交由老爺、奶奶照顧，老公及媽咪則輪流到醫院照顧她，「我媽咪今日都嚟咗醫院，佢負責餵我食嘢，老公知道我手術成功之後都放晒心，所以去咗返工。」

至於好姊妹何超蓮及鄧紫棋（G.E.M.）亦知道她住院，李蘊說：「我入院前有同佢哋講發生咩事同埋做咩手術，佢哋有祝福我，為我祈禱。（會嚟探你？）而家唔可以探病，只可以一位家人喺病房陪我，朋友嚟唔到探病，我都唔想耽誤佢哋工作，有心就得，朋友在心中。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】