星空下的仁醫｜吳嘉儀孖童星演患病母女獲讚賞 網民：對白真係夭心夭肺…

台慶劇《星空下的仁醫》昨晚（27日）講述「結節性硬化症」，由吳嘉儀（阿七）飾演的琳琳媽，疾病遺傳到女兒（童星林靖文飾演）身上，經主診醫生證實其女兒腎臟有個2.5厘米的腫瘤；劇集反映現實狀況，由於腫瘤要達至3厘米才可獲得政府資助，琳琳媽擔心不能應付沉重的醫療開支，於是請求醫生改寫報告……年幼的琳琳在病床上反過來安慰母親，「媽咪，唔好喊啦，個腫瘤會大。」這段戲的對白令網民感到心酸，大讚吳嘉儀與童星林靖文的互動，演出恰到好處。

{{hket:inline-image name="10282001.jpg"}}{{/hket:inline-image}}

{{hket:inline-image name="10282003.jpg"}}{{/hket:inline-image}}

同場加映：涉玩航拍機犯法│謝東閔事隔1個月終上水出po 朱智賢護航拒提航拍機：冇留意

{{hket:ul-video id="4496"}}{{/hket:ul-video}}

吳嘉儀年幼時將中文名字錯誤說成「五加二」，故得「阿七」外號，現年30歲的她這次成功挑戰媽咪一角，得到不少讚賞，網民說︰「真係好感人」、「好睇！感動流淚」、「演媽媽的全部都很厲害」、「演出越來越有進步，雖然少戲分但入形入格」及「吳嘉儀終於有發揮嘅角色，同個女嘅對話真係夭心夭肺」等。

阿七接受《晴報》訪問時表示：「好驚喜，好多謝一班網民朋友。其實當初收到監製（方浤酌）邀請時係打咗個突，因為無諗過我可以做媽媽角色……我呢個年紀做番護士係咪會稱職啲？監製叫我睇咗劇本先，睇完，覺得好有挑戰性！劇中講我患有絕症，係比較偏門嘅結節性硬化症，阿女又有呢個病。跟住做咗好多資料搜集，係驚做得唔好，出到嚟嘅效果會唔會有歧視成分？或者醜化咗呢啲病患者呢？監製、導演會畀咗好多意見，同時好開心鄭嘉穎、羅子溢無畀壓力我，會不斷同我排戲，有啲正面嘅鼓勵。」

【反黑路人甲】 吳嘉儀被𠝹刀誤傷腳血流如注 劇中演明星高海寧助手不時受氣【下一頁】

阿七指《星空下的仁醫》是一齣台慶劇，公司願意增加製作成本在人物的造型及道具上，其角色中的假肚不是竹簍，也非以往常用的塞棉花方式，而是用類似NuBra的矽膠，有質感又有重量，「行走時會有些晃動」，加上素顏配合病患特徵的妝容，事半功倍。至於跟童星林靖文做對手戲，阿七笑說：「其實佢係我前輩，有好多拍攝經驗！佢係虛心學習嘅小演員，拍戲時兼顧暑期功課，我同佢開始friend就係陪佢做功課，一齊着住病人衫喺病床上做作業。」

《金宵大廈》「鴉烏婆」真人有氣質撞樣李旻芳 演藝高才生讀書曾奪兩個獎學金【下一頁】

提到要演媽媽的角色，阿七坦言有憂慮過，「怕被定型」，再想深一層，自己身為演藝學院的畢業生，當遇到一個有功能、感人的角色，其他事情已變得不重要，總好過每場戲只是行行企企，她高興說︰「劇本真係好寫實，的確呢個病喺香港係比較罕見，攞到特效藥津貼及政府資助係要符合一啲條件。當中的故事情節要感動觀眾之餘，又畀大家去了解一下，原來係有一小部分病患需要我哋去關注，可能佢哋要做眾籌或搞慈善活動先可以應付到日常開支。（最難演是哪場戲？）最難係同羅子溢講阿女啲嘢，因為監製同導演嘅方向，係唔想我哭哭啼啼，病患者嘅故事好勵志，佢哋有生存鬥志；今次齣劇其中一個正面訊息，就係小朋友患者同家長嘅信念，係令醫護人員更加努力嘅動力！」

（↓點擊放大睇圖片↓）

最近忙於搬屋的阿七，預告今晚（28日）有場重點戲份，莫非兩母女會有生離死別的場面？鄭嘉穎、羅子溢兩大醫生也解決不到的難題又會是甚麼？

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】