張繼聰、周秀娜主演的電影《馬達．蓮娜》前日放映，在片中分別飾演失婚落泊的士司機「馬達」及單親媽媽「蓮娜」，他們指角色夠貼地，別具挑戰性。周秀娜表示最複雜是要演到人物那份掙扎、無奈，而張繼聰則說：「正正因為角色咁基層、咁普通，要將佢哋人生嘅高低起跌演出嚟，令觀眾有共鳴，就要將自己變成佢，呢點係最難。」
同場加映：涉玩航拍機犯法│謝東閔事隔1個月終上水出po 朱智賢護航拒提航拍機：冇留意
這齣電影獲得多個影展、影評人的青睞，他們的演技亦備受好評，因而被看好衝擊影帝、影后的寶座，兩人聞言即互笠高帽，張繼聰表示︰「我對Chrissie（周秀娜）好有信心！」周秀娜亦「回敬」對方︰「我對阿聰都好有信心！一齊有信心！」她直言很感激張繼聰在拍攝期間，給予她無限信心，與他做對手戲很有安全感，續說︰「有獎梗係好啦！始終人哋認同你先會畀獎你，我盡咗自己能力就OK。」
健康旦訪問｜張繼聰對住個女難敵喊功冇晒符 曾患情緒病 感激謝安琪照顧家庭【下一頁】
張繼聰坦言對自己的演出頗有信心，不過這份信心並不是要與其他演員爭獎，他說：「獎項或者批評，你都控制唔到，身為一個演員咪盡做囉！到我覺得真係盡喇，最後觀眾鍾唔鍾意，我都問心無愧，呢種努力先係我畀到我信心嘅地方。」張繼聰的確看好周秀娜能夠奪獎，並稱︰「作為朋友，真係好想Chrissie可以攞獎，拍嘅時候我已經係咁同佢講。每年都有五個位（金像獎最佳女主角五強），唔係無佢份呀嘛？」
周秀娜回復𡃁模身形被踩「下垂」 網民撐真材實料︰假先反地心吸力【下一頁】
兩人已多次合作，自然默契十足，但他們指今次合作才是第一次「深度交流」，周秀娜解釋︰「因為上次拍《女皇撞到正》，題材輕鬆啲，但今次沉重啲，角色需要我哋深入了解，所以我哋拍之前不斷傾偈，早啲『發展感情』嘛！」張繼聰接著說︰「我哋第一次合作，應該係十幾年前上電視台嘅遊戲節目，當時大家都係新人！以前觀眾可能對Chrissie有種固有形象，其實我同佢合作咗咁多次，發覺佢好搞笑、份人好『抽離』，即係要同佢熟絡咗，先知道佢真正諗緊乜嘢；其實佢份人入面有好多情感，好啱透過唔同角色表達出嚟。」
鬼上你架車｜張繼聰自爆內地遇前世女兒鬼魂 「可能係緣分 佢想畀我見到佢」【下一頁】
提到張繼聰為《馬達．蓮娜》主題曲《手》作曲（王菀之主唱），他表示雖然近年主力拍戲，音樂癮仍然很大，並透露明年會出碟和開騷，「而家音樂係我副業，我好似啲總理咁，自己畀錢自己唱歌，好任性。呢個年代都唔興上咩流行榜啦！做音樂都係想同啲朋友開心吓。」至於周秀娜指自己閒時會滑水、畫畫減壓，活得簡單自在最開心。
撰文︰陳子楠
張繼聰︰
化妝︰ Pinky Ku
周秀娜︰
服裝：Fendi
珠寶：BVLGARI
化妝：Circle Cheung（ndnco.co）
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】