黃婉曼懷鈺傳授葉文輝生B秘笈 試足5年唔使壯陽：想有個小啤梨

黃婉曼（Icy）昨晚邀請好友「啤梨」葉文輝和「晴報太太」懷鈺，到「安品·生活」facebook做live。懷鈺早年誕下精靈囡囡Gianna，Icy就結婚三年後求仁得仁，三年抱兩；相反已婚5年嘅47歲啤梨非常恨生B，一直無所出，兩女喺節目上無私傳授啤梨生B貼士。

同場加映： 涉玩航拍機犯法│謝東閔事隔1個月終上水出po 朱智賢護航拒提航拍機：冇留意

{{hket:ul-video id="4496"}}{{/hket:ul-video}}

{{hket:inline-image name="IMG_9172.JPG"}}{{/hket:inline-image}}

Icy一嚟就炮製咗滋補壯陽嘅花膠同海參迎接嘉賓，仲用有補腎壯陽功效嘅韭菜炒蛋畀啤梨食，後者幽默回應：「太壯喇！好誇張。出街辛苦啲，其他男人見到（會妒忌），我成日着闊褲。」見慣大場面嘅Icy同懷鈺都冇畀男方拋窒，夾攻話佢係「鹹濕佬」。

啤梨提到至今仍未生B其實唔關佢性能力事，「婚後一直以嚟都想生，不過疫情呢兩年，困住冇得出街，感到生活有壓力……」打從心底好鍾意小朋友踲佢，社會環境令佢有啲卻步，「最近又有唔同諗法，見到朋友啲細路仔，又好想有個小啤梨嘞！呢個感覺好強烈。」萬事俱備，佢表示太太工作太忙，夫妻都唔係好「夾到時間」，「我哋有溝通嘅，每次見佢返屋企都好攰，佢好鍾意返工！」

Icy就建議女方不妨留意排卵期，比較容易受孕，啤梨竟反問：「乜嘢係排卵期？」Icy同懷鈺就解釋係女性生理周期，啤梨才恍然大悟，睇嚟佢對有冇小朋友呢樣嘢都好「佛系」。兩女又分享，酸性、鹼性食物都有機會影響BB性別，仲叫啤梨參考「清宮圖」；經過呢次live，啤梨個袋可以話係袋滿錢走，生B指日可待！

此外，早年啤梨都有出碟做歌手，活躍樂壇，惟近年唱片巿道欠佳，令佢心態唔同咗，「以前幸運有公司幫助，而家出唱片好難，又冇公司，結婚後就將唱歌當興趣，之前都有出新歌。」

撰文：黃蘊姿