唔恨生女｜陳凱琳直認迷戀老公夠英俊 鄭嘉穎抗拒：年紀大唔靚仔咁點？

陳凱琳（Grace）最近接受陳敏之主持的網上節目訪問，大談家庭生活。Grace在節目中直認好迷戀老公鄭嘉穎，更爆對方原來唔鍾意成日被老婆讚靚仔！

{{hket:inline-image name="grace2.png"}}{{/hket:inline-image}}

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

鄭嘉穎與Grace在2015年因合作拍TVB劇集《殭》定情，拍拖2年後在印尼峇里島舉行婚禮，先後誕下愛子Rafael和Yannick。節目中問到Grace錫老公定囝囝多啲，佢直認最錫係老公，表示︰「所以啲人話我好迷戀我老公，其實真係幾鍾意佢！」

{{hket:inline-image name="116871483_698992520648500_1653183821773329052__600.jpg"}}{{/hket:inline-image}}

陳敏之聽到之後就笑笑口話：「你老公係靚仔，點會對得厭？」Grace指老公唔鍾意成日被人讚靚仔，「佢叫我唔好再咁樣講，佢覺得外貌唔係永遠，所以覺得如果我而家淨係鍾意佢個樣，到佢真係年紀再大啲唔靚仔咁點？我話你靚仔啫，但我冇話淨係鍾意你靚仔……雖然都係大部分，哈哈！」

Grace又話自己成日會問老公錫老婆定錫囝囝多啲，「佢每次都話咁梗係鍚我啦！但我覺得係故意講畀我聽。佢話如果啲仔大個咗一定會走、搬出去住，就係得我哋兩個相依為命。」

Grace又在節目中激罕分享情史，原來她在加拿大時曾有過一段puppy love，「嗰時我喺餐廳做嘢，之後識咗個男仔，啱啱識都有dating，未係正式男朋友，我都幾鍾意佢嘅。佢有次話想煮餐飯畀我同媽咪食，咁佢着住廚師衫，將個袖摺起上嚟，兩邊手都紋晒身，嗰一刻，媽咪真係好似電視劇嗰啲人物嘅表情，但又唔敢出聲。我了解咗佢個人之後，又覺得冇咩嘢，只不過有紋身啫！」

{{hket:inline-image name="grace.png"}}{{/hket:inline-image}}

問到Grace恨唔恨生多個女，佢就否認：「我又無喎，我知道好多人都覺得屋企應該有仔有女，好似完滿啲，有個『好』字。但因為我自己係好鍾意囝囝，啲人話佢好似你前世情人或者男朋友仔咁。」回想有一次同囝囝出完街成日，個人好攰，「阿仔問我可唔可以一齊睇書，嗰時我攰到想喊，一路睇書一路喊，嗰時大仔行埋嚟幫我擦眼淚，佢話『Mammy, Don’t cry, I am sorry』（媽咪不要哭，對不起），好感觸。」

陳凱琳最重要的兩位男士│鄭嘉穎52歲牛一與外父一齊慶祝 Yannick騎膊馬出手扭爸爸耳仔【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

撰文：林惠珊