自爆潛水險窒息 泳兒新歌MV無懼長期浸水

泳兒昨日推出新歌《沉溺》，原來歌詞是源於她首次考潛水牌的經歷，「當時遇到一個小小嘅意外，當我想浮上水面嘅時候，我撳極救生衣浮水個掣都撳唔到，嗰刻我覺得我係會死喺水底。」歌詞形容愛情可以愛到窒息的感覺，泳兒笑言填詞人周耀輝差點填到窒息︰「佢係辛苦到就嚟想死，我第一次聽嘅時候，好似有一種覺得瀕死嘅感覺，都就嚟唱到要死咁。」

泳兒在整個MV拍攝中都要浸水，但她竟表示不辛苦︰「我其實幾鍾意游水，所以休息嘅時候都乘機游咗兩下，但發現好似有啲生疏，又有啲唔夠氣。」