東張西望丨4歲童患罕見病捱無數電療化療 父母支付過百萬醫藥費感徬徨

無綫節目《東張西望》昨晚（3日）播出一位4歲男童Sheldon在一年前，不幸患上神經母細胞瘤第四期，在一年內先後接受化療、電療、抽骨髓等治療，令身上留有又長又深的疤痕，連嗎啡亦止不住痛楚。年紀小小的Sheldon，躺在病床上，插著鼻喉，不停地痛哭大叫：「好痛呀！」Sheldon媽媽痛心落淚，說：「我睇到佢好痛好痛，不停喊，佢咁細個，但我估唔到佢喊住問我，『媽咪，點解會咁痛？我真係好痛。』。」

同場加映：【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

{{hket:inline-image name="28.jpeg"}}{{/hket:inline-image}}

據Sheldon媽媽透露，這個病十分罕有，在七千個小朋友中只會有一個患上，她說：「唔係遺傳，純粹係基因突變，通常係3至5歲小朋友會有呢個病，醫生話，最多有半成機會可以醫得番。我記得嗰晚喺兒童醫院，我跪咗喺醫院大堂嘅地下，我成個人都傻咗，我唔明點解會咁唔好彩。」

原來Sheldon媽媽是區永權好友，他在IG轉載報道，並留言打氣：「作為父母，看到小Sheldon的遭遇，真的非常心痛，更何況Sheldon是我認識多年好朋友的兒子！當知道他患了這個罕有的癌症，真的錯愕與無法接受！現在希望大家可以到他的『神母小勇士Sheldon』的page，為他集氣，令Sheldon有滿滿的能量，戰勝這場仗！」

東張西望｜高鈞賢肖像被詐騙集團盜用 「睇番啲相就知唔係我代言嗰間」【下一頁】

現時全職照顧兒子的Sheldon媽媽表示連落街買東西的時間也沒有，眼中只有Sheldon的她，就連家人想見她亦只能到醫院的門外見面10分鐘。還好乖巧的Sheldon一直堅強，向媽媽說：「要打贏癌細胞。」經過一年治療，病情總算能控制，可惜在8月又不幸復發，癌細胞已擴散至大腦和脊椎，不能單靠藥物治療，要接受開腦手術切除癌細胞。Sheldon媽媽說：「治療一直都好順利，仲好番，我哋仲打算幫佢報讀幼稚園，可以過正常生活，只要有得醫，無論幾辛苦，我都一定陪佢一齊過；但知道復發嘅時候，咁仲有冇路行呢？仲有冇得醫呢？我心情仲沉重，我好大機會會失去佢。」Sheldon在化療後要定時打針，維持白血球水平正常。由於這一針打得挺頻密，所以需要由Sheldon父母親自動手。

東張西望│天瑜爸爸感激網民支持重燃希望 利穎怡：我們能幫的很微不足道【下一頁】

{{hket:inline-image name="25.JPG"}}{{/hket:inline-image}}

{{hket:inline-image name="26.jpg"}}{{/hket:inline-image}}

不過美國一種新藥為Sheldon帶來希望，Sheldon媽媽說：「呢款藥有喺唔同國家試驗，但唔好彩喺香港冇，醫院好快聯絡咗歐洲，搵到西班牙嗰邊，同我哋安排過去接受新藥。醫生話佢之前做免疫治療，其實落唔到中樞神經；但今次西班牙嘅治療，可以落到中樞神經，喺頭部落藥，我哋都好大期望，希望冇事啦。但又唔好彩係，就算中樞神經清除咗，其他地方都仲有，而且費用要百幾萬，仲未計其他雜費、醫療費、我哋嘅生活費，可能要二百萬試新藥。」他們即將出發西班牙接受治療，可惜面對著龐大的醫藥費，Sheldon一家十分擔憂，Sheldon媽媽說：「就算借錢，或者冇地方住要瞓街，我哋都一定要去。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】