鍾培生曬800萬法拉利加靚車牌 快過郭富城：邊個拎先過我？

「百億富三代」鍾培生曾邀一位台灣Youtuber參觀佢喺淺水灣嘅5層高豪宅，參觀車庫時裏面至少有4架名車曝光，其中3架為法拉利，當中一架喺當時到港僅一個月，同為法拉利488 PISTA SPIDER售價超過590萬港元，全港只有幾架；另外，當中一架黃色法拉利配上「P1KACHU」（比卡超）車牌，富貴不失童真，不過鍾培生就話自己「一個月才開1、2次車」，睇怕啲車都係高級擺設。

同場加映：曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

{{hket:inline-image name="253206408_314879800067329_1765851830415563256_n.jpg"}}{{/hket:inline-image}}

今年3月鍾培生着上印有「比卡超」嘅衣服與同黃色法拉利車合照，表示要賣車換新車，不過就保留「P1KACHU」車牌。事隔多月，「P1KACHU」車牌有新「寄主」，鍾培生日前喺IG上載與新法拉利跑車嘅合照，同樣着上印有比卡超嘅T恤，而「P1KACHU」已掛喺新歡上，鍾培生留言︰「香港頭幾架SF90，可唔可以話畀我知有邊個拎先過我？」有網民留言指郭富城，鍾培生則謂︰「我先！」

鍾培生購入嘅相信係法拉利SF90 SPIDER，係法拉利史上第一款駕御1,000匹馬力、外接充電混合動力、四輪驅動中置引擎嘅量產開篷跑車，據知售價為883萬港元起。

鍾培生一向都與車有緣，去年嘅Boxing Day都因為佢架靚車而成為熱話！事緣一名20歲青年駕駛「P牌」福士私家車時，於灣仔失控倒後連撼法拉利及瑪莎拉蒂2架名車。事件雖私下和解，但意外一刻嘅車cam片喺網上瘋傳後，引發無數網民為該名年輕司機擔憂「賣車都唔夠賠」。

而鍾培生事後就喺自己嘅Youtube專頁表示案中法拉利係其座駕，並指維修費約60至70萬港元，大部分會由保險賠償，餘下數萬元則由福士車主承擔。佢表示慶幸意外無釀成傷亡，認為肇事司機「買個教訓」，亦奉勸他「唔好再揸車」。