青年心城之撐起青春｜林正峰首次演喊戲靠黃子雄提點 馮盈盈友情客串演女鬼

由林正峰、游嘉欣、施焯日及黃紫恩等新人擔正主演的青春劇《青年心城之撐起青春》，昨晚（7日）播映大結局。劇情講述林正峰同游嘉欣鬧大交分開後，他卻因椎間盤突出而不良於行，黃子雄等身邊友好如何助他重拾鬥志站起來，當中對白不乏金句，值得讓人反思。這集結局亦有驚喜，就是找來馮盈盈友情客串扮「女鬼」，實情她是賢仔（施焯日飾）的粉絲，邀送外賣的林正峰一齊為偶像打氣。

{{hket:inline-image name="11082006.jpg"}}{{/hket:inline-image}}

{{hket:inline-image name="11082005.jpg"}}{{/hket:inline-image}}

同場加映：曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

林正峰同游嘉欣在街上嗌交的戲份，對白亦算精警，男方講出作為Loser的心聲，「我做咩都要靠你……我係咪成世人都要做你寄生蟲？我唔想你幫我呀……你存在，無時無刻都提醒緊我，我係一個Loser。」游嘉欣反擊：「躺平唔可恥，失敗都唔可恥，最可恥係你不停喺度搵藉口，你唔肯接受失敗，又唔反省邊度做得唔夠好，冇對象嗰時就怨個天……將根本冇可能改變嘅事實，去合理化自己嘅失敗，將自己懦弱推得一乾二淨，但呢個世界本來就唔公平㗎啦，個世界都冇欠任何人㗎。」你身邊有沒有一些不停為自己搵藉口，怨天尤人，不肯在失敗當中汲中經驗的人？

林正峰游嘉欣出身基層望回饋家人 「呢個時代好難搵到夢想同目標」【下一頁】

劇中林正峰因椎間盤突出而不良於行，暫時要坐輪椅及旁人照顧，最終被黃子雄金句打動，大巴掌摑醒，成功走出陰霾。黃子雄話︰「真係唔冚你唔得……唔想兩腳一伸，就畀啲力企番正，殘係狀態，廢係心態！」之後林正峰努力鍛煉身體，成功站起來，游嘉欣亦回到他身邊。

青年心城之撐起青春│林景程再演地產經紀狂Sell凶宅 與「躺平族」林正峰表弟終碰頭【下一頁】

今次是林正峰第一次挑戰喊戲場面，他收到劇本時頗擔心，「我係冇乜自信嘅人，平時好少喺人面前喊，今次仲要喺咁多人面前喊！開頭真係有啲嚇親，好驚自己喊唔出。之後我不斷請教人應該點做，好彩去到現場係喊到嘅。但喊戲唔止拍一次，我第二次已經喊唔出，好彩子雄哥幫我，叫我思考一下角色『點解要喊』，之後我就入番戲，好多謝佢。」

（↓點擊放大睇圖片↓）

此外，馮盈盈今次再與《#後生仔傾吓偈》成員合作，雖然全程要戴頸箍，她仍感開心又輕鬆，「因為我哋成班合作咗好耐，一早有晒默契，所以一埋位就有火花，大家都拍得好投入。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】