《2021年度叱咤樂壇流行榜頒獎典禮》將於2022年1月1日在亞洲國際博覽館舉行，今日商台DJ與一眾歌手亮相選址昂平市集的記者會，由於氣溫驟降，不少歌手及現場支持的粉絲都凍到變「雪條」，而MIRROR及ERROR的粉絲更提早一日到場霸頭位，冒風雨及低溫支持，姜濤及經理人花姐黃慧君在IG呼籲粉絲們要注意安全和保重身體。
MIRROR粉絲抵冷入昂坪霸靚位 姜濤憂心失眠：希望大家平安【下一頁】
MIRROR接受訪問時表示關心粉絲的安全，隊長Lokman（楊樂文）說：「呢度咁高，見群組啲相又大風大雨，真係好陰公，好彩後來有個地方開咗畀佢哋休息，希望大家下次真係要小心安全。」提到MIRROR氣勢如虹，歌曲播放率有可能衝擊「組合金獎」，副隊長AK（江𤒹生）表示：「我哋做音樂唔係睇數據，獎項就隨緣啦！」Lokman直言自己雖然入圍「生力軍獎」，不過只有半首歌，他希望來年努力多出幾首歌，直接衝擊男歌手獎項，獲一眾隊友歡呼支持。
提到MIRROR將會為旅發局演出跨年演唱會，不過只能供打齊兩針新冠肺炎疫苗的人士才能參加抽獎，入場欣賞跨年演唱會，Lokman說：「好多措施都係保障大家安全，大家搵適合自己嘅方式去應對。（做好個騷等政府人員認識MIRROR？）政府識唔識我哋就隨緣啦！唔止香港多啲人認識，其他地方更多人認識就最好。」
成員Jeremy（李駿傑）近日被網民影到在「綠置居2021」啟鑽苑的揀樓場地，網民更稱希望成為偶像的鄰居。據知綠置居必須是公屋租戶或具租住公屋資格的人士才可申請，按照官方決定的揀樓次序，現時應是「家有長者」揀樓時段，換句話說今次Jeremy可能是陪家人前來揀樓，而啟鑽苑毗鄰港鐵鑽石山站，單位定價約117萬元至385萬。此外，兩年前Jeremy亦曾為《ERROR大冒險》任嘉賓，更大方在節目中曝光獨居的元朗朗屏邨寓所。
Jeremy大方承認是相中人，不過未知是否想保護家人，他尷尬回應：「係嘅係嘅……（收入好咗想轉換環境？）咁啱又咁好彩抽到，多謝大家關心。」身旁一班鏡仔對兄弟買樓都大感興奮，AK大讚兄弟說︰「（快人一步），理想達到呀！」
阿媽細妹大讚｜Edan乖仔為屋企砌新餐枱整損手 搞2個半鐘：下次唔慳嗰幾舊水【下一頁】
姜濤回應早前被影到在維園的籃球場打波期間，疑似跟敵隊爭波起爭執，並大聲咆吼，姜濤表示：「我以前打籃球的確脾氣唔太好，而家身為藝人，應該以身作則，唔好同人爭執，做好自己。」
而同場的兄弟團ERROR中，肥仔梁業、193郭嘉駿都分別角逐「生力軍獎」，他們指信心不大，193更形容自己是陪跑一族，「我覺得肥仔好大機會，金獎一定係佢，唔係就係造馬嘅！佢攞唔到真係好嬲，個天真係唔公平！」提到粉絲通宵霸位支持，193說：「大家互相鬥長命，今次嚟唔到咪下次，如果你哋（fans）出問題或者有意外，就冇得追我哋。我哋冇咁快退休，下次再追都得！」
提到《全民造星IV》開播，193表示只睇過一、兩集，不會刻意追看有妹妹出場的集數，「預料妹妹演出唔會好睇」，提到有傳「親屬組」3妹、歐陽巧瑩的妹妹BuBu和余潔滢都未能進入30強，193稱不敢劇透，感激粉絲們支持完全沒有才能的妹妹，他說：「其實而家都有人搵我同阿妹拍廣告，不過我太貴，個價就唔到佢！希望佢將來搵到自己條路啦，唔一定做電視台嘅！」
ERROR早前與吳君如拍電視廣告，笑言拍廣告之餘，不忘向吳君如爭取，希望下次開拍電影時可以預埋他們四子。問到做《12金鴨》是否可行？他們自信稱絕對無問題，會努力操肌，但擔心《12金鴨》的12個位置要讓給MIRROR，「我哋只能夠扮客人」。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉