星空下的仁醫│鍾嘉欣回港拍劇思鄉病發陷焦慮 同老公有共識唔迫仔女讀醫演戲

鍾嘉欣事隔6年再次拍劇，在《星空下的仁醫》中演醫生，表現出成熟的演技，再次令觀眾眼前一亮。她憶起拍攝期間與家人分隔兩地，仔女生病都無法留在身邊，一度陷入情緒焦慮狀態，不能自醫。嘉欣由少女變身人妻及兩孩之母，與醫生丈夫Jeremy有共識，沒想過要強迫子女讀醫或者做演員，讓他們快樂地成長已足夠。

同場加映：曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

Kelly笑容似足媽咪｜鍾嘉欣素顏Look賀囡囡5歲生日 網民提議大女同Yumi拍劇演姊妹【下一頁】

{{hket:inline-image name="IMG_4649.JPG"}}{{/hket:inline-image}}

{{hket:inline-image name="IMG_4689.JPG"}}{{/hket:inline-image}}

{{hket:inline-image name="IMG_5487.JPG"}}{{/hket:inline-image}}

《星空下的仁醫》中，鍾嘉欣、馬國明和鄭嘉穎是一起實習的醫生，卻因價值觀的不一樣各走各路，後來再次聚首為兒科醫院努力。第一集嘉欣完成手術之後，道出一句：「同你哋合作真係好爽呀！」她受訪時笑稱這並非拍劇時的心聲，其實今次跟馬國明、鄭嘉穎是第一次合作，無論是自己或者觀眾都感到相當有新鮮感，「我哋三個本身性格好唔同，佢哋兩個成日講男人嘢，我入唔到佢哋話題，可能因為真係唔太熟，一入片場撞出嚟嘅火花係冇特別夾過嘅。」嘉欣形容拍攝《星》劇「係非一般困難」，卻又離奇地順利完成，她說：「疫情關係，原本齣劇開唔到，我係直接返回加拿大，不過上天真係好眷顧，預計4個月嘅劇最終2個月就拍晒，加上要遷就小演員開學，好多場景因疫情又拍唔到……其實拍攝過程真係好多困難，大家都係隨機應變。」

嘉欣飾演外科醫生，以豬器官等呈現手術中血淋淋的場面，她毫無懼色，表示最難忘是有一次在兒童病房為病童急救，由進入病房開始，到檢查、插喉、插儀器、拆床架等等都是一鏡到底拍攝，「我同三位護士一齊試晒位之後，大家手疊手嗌三、二、一加油，好似舞台劇咁！順利完成之後，我哋一齊拍手。我都好開心，覺得自己好似做到章以芯一樣咁有型，有能力同咁淡定。」

大方認37歲│鍾嘉欣生日開直播慶生仔女亂入 爆子女煲《愛回家》學廣東話【下一頁】

《星》劇入面很多兒童病案，鍾嘉欣大讚劇本寫得非常動人精彩，「我做咗媽咪之後，望住所有小朋友都會有更深感受，同小演員演戲好開心，我成日想呵護佢哋，而且我識得用方法同佢哋溝通相處，等佢哋有安全感，佢哋先有信心演出。」拍攝時面對眾多小朋友，會否特別掛念身在加拿大的丈夫和一對子女？嘉欣稱：「拍攝時因為疫情個案暴升，影響咗好多嘢，原本屋企人喺我拍攝一個月之後就會飛嚟香港，床仔又整好晒安排好晒，但好多嘢掌控唔到，最終疫情爆發就冇辦法。當時冇話後悔接咗劇，不過坦白講拍拍吓狀態係冇咁好，因為好掛住屋企，甚至埋尾日子有少少焦慮，好擔心一對仔女；期間佢哋有兩、三次病咗，但我唔可以喺佢哋身邊，只能透過視像見面，做媽咪嘅真係好難受！」嘉欣稱一切已經過去，「記得當時我鼓勵自己要做得更好，唔可以辜負老公和仔女嘅期望，支持我嘅工作。」

{{hket:inline-image name="IMG_4652.JPG"}}{{/hket:inline-image}}

{{hket:inline-image name="253638798_272478978227901_3286575932529622701_n.jpg"}}{{/hket:inline-image}}

鍾嘉欣的丈夫Jeremy是脊醫，加上今次她演仁醫，問到會否同樣期待仔女將來成為醫生幫忙別人？嘉欣說：「其實我同我老公冇諗過仔女將來做啲乜嘢，我只係想佢哋快樂，做佢哋鍾意嘅嘢。最重要教佢哋要有頭腦、有創意，將上天畀你嘅才能好好發揮，成為專長。我唔會因為老公係醫生或者我係演員，就想佢哋跟我哋去做，只要佢哋鍾意，話畀我哋知，父母一定無論如何都會支持。」

今次劇集主題曲《好好珍惜自己》是由鍾嘉欣作曲，她笑言是在廁所完成創作，而歌詞「你要懂得好好珍惜自己，學放手這個簡單道理」是出自其手，嘉欣感激填詞人張美賢完成作品，她說：「首歌係希望鼓勵大家，學識放手，好多嘢其實控制唔到，欣賞自己先可以欣賞別人、幫忙別人。」她在劇中以拇指琴彈奏這首歌，原本該拇指琴是劇中辦公室的一個擺設，後來嘉欣忽發奇想，與監製、導演溝通後，她去旺角買拇指琴，去學習如何彈奏，再去買布為拇指琴縫製一個袋子；細節位做到足，做到最好，這正是嘉欣的小心思，整齣劇集的製作才稱得上完滿。

{{hket:inline-image name="IMG_4646.JPG"}}{{/hket:inline-image}}

服裝：Cocktail 
鞋履：ECCO
手表：Longines 
首飾：David Yurman
造型：Sarona Lo

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉