港鐵4商場聖誕市集 PopCorn辦「美酒滋味體驗遊」

聖誕節就快到，黛安收到風，港鐵旗下4大商場會陸續舉辦大型主題市集迎聖誕，其中將軍澳市中心嘅PopCorn，率先喺本周五（12日）至下月2日舉辦「Pop Wine Fest美酒滋味體驗遊」，有超過25個參展商帶嚟800幾款全球各地酒類產品，等大家可以即場品嘗同選購㗎。

今次「美酒滋味體驗遊」由PopCorn地下嘅期間限定店開始，由行內著名品牌The Whisky Library主理嘅「圖書館」，為大家帶嚟唔同風格嘅靚酒；1樓中庭位置嘅18個攤位就各自各精采，大量全球知名同「本地薑」美酒佳餚等緊大家發掘，MTR Mobile會員更可憑指定積分或半價喺港鐵商場網店換領或購買$50電子禮券㖭。

至於The LOHAS康城、德福廣場同青衣城則會由下周起陸續舉辦聖誕市集，大家唔好錯過啦。